هه‌په‌گه ناسنامه‌ی چوار گه‌ریلای ئاشكرا كرد كه به هۆی رووداوێكه‌وه شه‌هیدبوون و رایگه‌یاند، "داواده‌كه‌ین كه به ده‌وری ئه‌و به‌هایانه‌ی شه‌هیدانمان هێناویانه‌ته ئاراوه كۆببینه‌وه و په‌ره به تێكۆشان بده‌ین".
ناوه‌ندی راگه‌یاندن و چاپه‌مه‌نی هه‌په‌گه له باره‌ی گه‌ریلا شه‌هیده‌كان ئه‌م زانیارییه‌ی بڵاوكرده‌وه:
"له شوباتی ٢٠٢٢دا له هه‌رێمه‌كانی پاراستنی مه‌دیا گروپێكی هه‌ڤاڵانمان، له كاتی خه‌باتێكی په‌روه‌رده‌ییدا، به شێوه‌ی نه‌خوازراو ته‌قینه‌وه‌یه‌ك روویداوه. له‌و رووداوه‌دا هه‌ڤالانمان سیدار، مۆرده‌م، سه‌ربه‌ست و شه‌ڤگه‌ر شه‌هید بوون. شه‌هیدبوونی ئه‌و هه‌ڤاڵانه‌مان كه هه‌ر كامێكیان فه‌رمانده‌یه‌كی گیانباز بون، بۆ ئێمه و گه‌له‌كه‌مان زیان و كۆستێكی گه‌وره‌یه. ئێمه له شه‌هیدبوونی هه‌ڤاڵانی گیانبازمان ئه‌زمون وه‌رده‌گرین و به‌ڵێنی خۆمان دووباره ده‌كه‌ینه‌وه كه ئێمه ئاوات و خه‌ونه‌كانیان له كوردستانی ئازاد به‌دیده‌هێنین.
ناسنامه‌ی ئه‌و هه‌ڤاڵه شه‌هیدانه‌مان به‌م جۆره‌یه:
ناسناو: سیدار زیلان
ناو و پاشناو: خه‌لیل زه‌زرۆب
شوێنی له‌دایكبوون: عه‌فرین
ناوی دایك-باوك: فاتمه- عه‌زیز
كات و شوێنی شه‌هیدبوون: شوباتی ٢٠٢٢/ هه‌رێمه‌كانی پاراستنی مه‌دیا
ناسناو: مۆرده‌م ئێریش
ناو و پاشناو: ڤه‌دات بینگول
شوێنی له‌دایكبوون: ئامه‌د
ناوی دایك-باوك: فه‌خریه - نوسره‌ت
كات و شوێنی شه‌هیدبوون: شوباتی ٢٠٢٢/ هه‌رێمه‌كانی پاراستنی مه‌دیا
ناسناو: سه‌ربه‌ست بریتان
ناو و پاشناو: ره‌مه‌زان جان
شوێنی له‌دایكبوون: شڕنه‌خ
ناوی دایك-باوك: عه‌تیه- عه‌لی
كات و شوێنی شه‌هیدبوون: شوباتی ٢٠٢٢/ هه‌رێمه‌كانی پاراستنی مه‌دیا
ناسناو: شه‌ڤگه‌ر هیڤرۆن
ناو و پاشناو: محه‌مه‌د عیدان
شوێنی له‌دایكبوون: منبج
ناوی دایك-باوك: جیهان- ساڵح
كات و شوێنی شه‌هیدبوون: شوباتی ٢٠٢٢/ هه‌رێمه‌كانی پاراستنی مه‌دیا
هاوڕێیانمان سیدار، مۆرده‌م، سه‌ربه‌ست و شه‌ڤگه‌ر كه فیداییبوونی په‌كه‌كه‌یی خۆیان به شێوه‌یه‌كی زۆر روون له ژیان، ئه‌رك و به‌رپرسیارێتی سه‌رده‌می خۆیان پێكهێنا، له‌سه‌ره‌تادا سه‌رخۆشی له بنه‌ماڵه به نرخه‌كانیان وهه‌موو گه‌لی وڵاتپارێز ده‌كه‌ین. داواده‌كه‌ین كه زیاتر به ده‌وری به‌های ئه‌و شه‌هیدانه‌ی داومانن یه‌كبگرین و تێكۆشان گه‌وره بكه‌ین".
هـ . ب
