پیرۆزباییەکانی جەژنی نەورۆزی ئامەد کە بە دروشمی ' رابن کاتی ئازادی و سەرکەوتنە' لە پارکی نەورۆزی رەزان بەڕێوەدەچێت دەستی پێکرد.

شانۆی پیرۆزباییەکە بە پلاکاردی 'زمانی ئێمە سکۆی ئێمەیە' و 'گەنجان گەرنتی ئازادین' رازاوەتەوە.

لە گۆڕەپانی نەورۆز وێنەکانی کەمال کورکورت، دەنیز پۆیراز و ژینا ئەمینی هەڵواسراون.

لەناوخۆ و دەرەوەی وڵات ژمارەیەکی زۆر میوان بانگهێشت کراون. ئەو دایکانەی کە لە پێناو ئازادی رێبەری گەلی کورد عەبدوڵا ئۆجالان لە ئێشکگریی دادپەروەریدان بەشدارییان لە نەورۆزدا کردووە.

بارانێکی بەخوڕدەبارێت و دروشمی 'بژی سەرۆک ئاپۆ' دەنگدەداتەوە

لە ٦ خاڵی جیاجیاوە بە دەیان هەزار کەس بە ئاڵاکانی دەم پارتیەوە بەرەو گۆڕەپانی نەورۆز خرۆشاون. جەماوەرەکە سەرباری بارانی بەخوڕ، دەستیان بە گۆڤەند و هەڵپەڕکێ کردووە.

لە گۆڕەپانی نەورۆزەوە دروشمەکانی "بژی سەرۆک ئاپۆ" و "بژی بەرخودانی زیندانەکان" بەرز دەبێتەوە. هەروەها پەیامی پەیوەست بە ئازادی جەستەیی عەبدوڵا ئۆجالان دەوترێنەوە.

بەشداربوونی زۆری گەنجان سەرنج راکێشە. گەنجان کە بە ئاڵاکانی دەم پارتی، بە وتنەوەی گۆرانی خۆڕاگری جۆش و خرۆشی گەورەیان بە مەراسیمی پیرۆزباییەکە داوە. بەشێکی بەرچاوی بەشداربووان جلوبەرگی نەتەوەییان لەبەردایە.

پیرۆزباییەکە بە جۆش و خرۆشی زۆرەوە بەردەوامە.

هـ . ب