بە گوێرەی زانیارییەکان، پۆلیسی عێراق هەڵیکوتاوەتەسەر شارەوانی گرزەرکی شەنگال کە کە  ١٠ـی ئاداری ٢٠٢٥ەوە لەلایەن ئیدارەی خۆبەڕێوەبەری شەنگالەوە بۆ خزمەتکردنی گەل دامەزرێنراوە. لە ئێستادا بینای شارەوانییەکە لەلایەن پۆلیسی عێراقەوە داگیرکراوە و ڕێگەنادەن بەردەوام بێت لە پێشکەشکردنی خزمەتگوزارییەکانی.

زانراوە هێزەکانی پۆلیسی عێراق بەبێ نیشاندانی هیچ بەڵگە و پاساوێک، کاتێک کرێکارانی شارەوانییەکە لە پشوودا بوون، هێزەکانی بردووەتەسەر بینای شارەوانییەکە و لەوێ جێگیری کردوون. بۆ تێگەشتن لە بابەتەکە چەندین هەوڵ لەلایەن ئیدارەی خۆبەڕێوەبەری شەنگال و بەرپرسانی شارەوانییەوە دراوە، بەڵام هەموو وەڵامی پۆلیس ئەوەیە، بڕیارییان پێکراوە لەوێ جێگیربن و دەستبەسەر بینای شارەوانییەکەدا بگرن.