رایدیۆی دەنگی چرا شەنگال کە ماوەیەک بوو بەهۆی کێشەی تەکنیکی و کێشەی دارایی و ڤایرۆسی کۆرۆناوە پەخشەکەی راگرتبوو، بە ناوەڕۆکێکی نوێوە لە سەر فریکانسی پێشوو دەستی بە پەخش کردەوە.

رادیۆکە ٢٠ی کانونی یەکەم کێشەکانی چارەسەر کرد و بە شێوازێکی نوێوە سەرلەنوێ دەستی بە پەخش کردەوە.

رادیۆکە هەروەها لەسەر ئەنتەرنێت بە ناونیشانی www.cira.fm بەردەوامی بە پەخشی ئاسایی خۆی دەکات.

رادیۆی دەنگی چرا شەنگال کاتژمێر ٠٧:٠٠ بە گۆرانی ئێزیدخان دەست بە پەخش دەکات و تا کاتژمێر ١٩:٣٠ بە قەولەکانی ئێزدایەتی، بەرنامەی رۆژانە و هەواڵ بەردەوامی بە پەخشی دەدات. پەخشی رادیۆکە کاتژمێر ٢١:٠٠ کۆتایی دیت.

خەلیل هەلیقی و سەنا قیرانی کارمەندانی رادیۆی دەنگی چرا شەنگال لەبارەی قۆناغی نوێی پەخشی رادیۆکەیان قسەیان کرد.

خەلیل هەلیقی رایگەیاند، لە ئەنجامی رەنج و هەوڵێکی گەورە سەرلەنوێ دەست بە پەخشکرا و هەوڵ دەدەن خزمەتێکی باش پێشکەش بە کۆمەڵگا بکەن، دەنگی کۆمەڵای خۆیان، رەنگی کەلتور و هونەری کۆمەڵگاکەیان بن.

لەبارەی کاتی پەخش هەلیقی وتی، "گۆرانی و بەرنامەکانمان لەسەر داوای گوێگران دەبێت. ئێمە دەنگ و رەنگی کۆمەڵگاکەمان بە هەموو جیهان رادەگەیەنین و هیوادارین کاتێکی زۆر خۆش بەسەرببەین."

سەنا قیرانی کارمەندی رادیۆکەش ئاماژەی بەوەکرد، ماوەیەکی زۆر هەوڵ دەدەن بە بەرنامە، دۆسیە و پەخشەکانیان لەبارەی بۆچوونی خەڵک، ببنە جێگای رەزامەندی گوێگران.

ناونیشانی رادیۆکە لەسەر ئەنتەرنێت: www.cira.fm

فریکانس: 101.0 MHz