شاندێک کە پێکهاتبوو لە ئەندامانی پەرلەمانی ئەوروپا و نوێنەری دەم پارتی ئەوروپا لەگەڵ ئیدارەی خۆبەڕێوەبەری دیموکراتیکی شەنگال کۆبووەوە. شاندەکە لەلایەن ئەندامان و بەرپرسانی ئیدارەی خۆبەڕێوەبەریی شەنگالەوە پێشوازییان لێکرا.

شاندەکە بەهۆی ئاستەنگیەکانی ڕێگا و ڕێگرییەکان لەلایەن سوپای عێراقەوە، ماوەی پێنج کاتژمێر لە گەیشتنیان بە ناو شەنگال درەنگ کەوتن. لە سەرەتای کۆبوونەوەکەدا نوێنەرانی شاندەکە و خۆبەڕێوەبەری خۆیان بە یەکتر ناساند.

پاشان ئیدارەی خۆبەڕێوەبەری شەنگال بە بۆنەی ئاستەنگیەکانی ناو ڕێگە و درەنگ کەوتنیان بۆ شەنگال داوای لێبوردنی لە شاندەکە کرد. ئەندامانی شاندەکە بەم وتنە: "شایانی ئەوە بوو کە ئەوەندەش چاوەڕێ بکەین، سەردانەکەمان بۆ شەنگال زۆر گرنگ بوو "وڵامی داوای لێبوردنی خۆبەڕێوەبەریان دایەوە.

شاندەکە سەردانی ناوەند و دامەزراوەکانی ئیدارەی خۆبەڕێوەبەریی شەنگال و بزووتنەوەی ئازادی ژنانی ئێزدی (تاژێ) و گۆڕستانی شەهیدان، شەهید بەرخوادان و شەهید دلگەش دەکەن.

ئیدارەی خۆبەڕێوەبەری شەنگال سەبارەت بە دۆخی شەنگال و کۆمەڵگای ئێزدی دۆسیەیەک پێشکەشی شاندەکە دەکات.

ئەندامانی شاندەکە بریتین لە:

مارتن شیردوان، ئەندامی پەرلەمانی ئەوروپا و هاوسەرۆکی گروپی چەپ لە پەرلەمانی ئەوروپا

فایەق یاگزای، نوێنەری دەم پارتی لە ستراسبۆرگ

دکتۆر سارا گلین، ڕاوێژکاری فایەق یاگزای

نۆرا فریس-ڤێندنبێرگ، جێگری مارتن شیردوان