ئێمە لە سەنگەرەکاندا بووین، کە سوپای تورک لە مانگی کانوونی یەکەم دا کشایەوە. لە هەموو گۆڕەپان و ناوچەیەکی زاپدا شوێنەواری شەڕێکی قورس هەیە. بە ڕوونی دیارە، کە بۆردومانە قورسەکانی فڕۆکە جەنگییەکان سروشتیان وێران کردووە.
هەر هەنگاوێکمان لەم گەشتەماندا لەسەر شوێنەواری بە جێماوی جەنگ بوو. سەرەڕای ئەو زیانانەی، کە بۆمبە قورسەکان بە سروشتیان گەیاندووە، لە سەنگەرەکانیشدا چەک و کەلوپەلی سەربازی بە جێماون و دەبینرێن.
دوای کەمێک لە ڕێپێوانەکەمان و دوورکەوتنەوە لە سەنگەرەکانی گەریلا گەیشتینە ئەو سەنگەرانە، کە سوپای تورک بەجێی هێشتوون. سەرەتا کون و سەنگەرەکانی داگیرکەران دەردەکەون، بەڵام ئاشکرایە، کە لەناکاو کشانەتەوە، بۆیە دەبینرێت، کە تەنیا بە چەقۆ و ساتوور چادر و گونییە پڕ لە گڵەکانیان دڕاندووە.
دوای ئەوەی بەناو کون و سەنگەرە یەکەمەکاندا تێپەڕین و چووینە ناو سەنگەرەکانی تری سوپای تورک، ئەو کاتە دیمەنەکە بەتەواوی ڕوون دەبێتەوە. کەمپەکانی سوپای تورک لە شوێنی خۆیان دا ماونەتەوە، کونەکانی سەربازەکان وەک ناوچەیەکی خۆڵ و خاشاک سەریونلەک سەرنجەکان بۆ خۆی ڕادەکێشت. لێرەدا ئەوە ڕوون دەبێتەوە، کە سوپای تورک لە ناوچەی کەمپەکەی خۆیدا زۆر ترساوە. زبڵ و خۆڵ و خاشاکەکانیان هەر ناو کون و سەنگەرەکانی خۆیاندایە و نەیانوێراوە لە کون و سەنگەرەکانیان دوور بکەنەوە و زبڵ و خاشاکی خۆیان دوورتر لە خۆیان بشارنەوە، جگە لەوەش دەورووبەری خۆیشیان بە تەل تەنیوە و لە پشت تلەکانیشەوە تەڵەیان داناوە.
دیمەنێکی تر، کە لە سوپای تورک لە ناو کون و سەنگەرەکانیدا لێی بەجێماوە، شوێنەواری بەڵگەی ئەو تاوانانەیە، کە لە دوایین ڕۆژەکاندا هەوڵیانداوە بیانسوتێنن تاوەکو هیچ شوێنەوارێک لە بەڵگەی تاوانەکانیان بە جێ نەمێنێت. لەبەردەم هەر کون و سەنگەرێکی کامپەکەدا ئاگرێکی گەورە کراوەتەوە.
هەروەها زۆر شتی پێکەنیناوی و کۆمیکیش لە کون و سەنگەرەکانی سوپای تورک دا هەیە. بۆ نموونه; لەسەر بەردەکان نیشانەکانی فاشیزمی تورک و وتەی ڕەگەزپەرستانە نووسراون، سەرەڕای دەورگرتنی سەنگەرەکانیان بە تەل و تەڵە و داهۆڵ و مانکەن، بتڵی پلاستیکیشیان داناوە و ئەوانەشیان بۆ ئەوە کردوە، کە گوایە بتوانن گەریلا فریو بدەن و خۆیان لە گورزی گەریلا بپارێزن.
ژ.ت
