دەوڵەتی داگیرکەری تورک ١٥ی حوزەیران بە فڕۆکەیەکی بێفڕۆکەوانی هێرشبەر، ناوەندی ئەنجومەنی گەلی ناوچەی سنونێی شەنگال و دوکانەکانی دەوروبەری ناوەندەکەی بۆردومان کرد.

لە ئەنجامدا منداڵێک بە ناوی ساڵح ناسۆ شەهید بوو و ٧ کەسیش بریندار بوون.

چالاکوانی سیاسی ئیبراهیم دەروێش عەڤدی کە بریندار ببوو و لە نەخۆشخانەیەکی موسڵ چارەسەری بۆ دەکرا، شەهید بوو.

تەرمی شەهید لە گەلی کەرسێ بە کاروانێکی ئۆتۆمبێڵ بەرەو گۆڕستانی شێبل شقاسم لە چیای شەنگال بەڕێکرا و لەلایەن هەزاران کەسەوە بە دروشم بەخاکسپێردرا.
 

ئەنجومەنی خۆبەڕێوەبەری شەنگالیش سەرەخۆشی لە خانەوادەی ئیبراهیم دەروێش عەڤدی کرد.

ف.ق