لە هەرێمی هەرەکۆلی ناوچەی بەرواری سێرت لە ٢٥ی تەمووزدا لە ئەنجامی شەڕ و بۆردوماندا گەریلاکانی یەژاستار سەمرا ئایڤەردی (بەندا ئامەد) و بیشەنگ دورموش (دەستینا بۆتان) و گەریلا هەپەگە سەعیدخان سەنجەر (باران خەملین) شەهیدبوون.

تەرمەکان لە بەشی توێکاری نەخۆشخانەی فێرکاری سێرت دانرابوون و توانرابوو بناسرێنەوە. بنەماڵەکان لە ٣٠ تەمووزدا نمونەی خوێنیان رادەست کردبوو. دواتر تەرمەکان رادەستی بنەماڵەکان کرایەوە.

زانرا کە تەرمی ئایڤەردی لە ناوچەی بسملی ئامەد، تەرمی بیشەنگ دورموش لە ناوچەی سلۆپیی شڕنەخ و تەرمی سەعیدخان سەنجەر لە وان بەخاکدەسپێردرێن.

ناوەندی راگەیاندن و چاپەمەنی هەپەگە ٣١ی تەمووز لە راگەیەندراوێکدا رایگەیاندبوو: "فیدایانی ئازادیی گەلی کورد هاوڕێیانمان بەندا ئامەد، دەستینا بۆتان و باران خەملین ٢٥ی تەمووزی ٢٠٢٤ لە گۆڕەپانی کاتۆ خەلیلی بۆتان لە ئەنجامی هێرشی دوژمندا شەهیدبوون".