دەوڵەتی تورک لە ١ی شوباتی ٢٠٢٢دا هێرشێکی ئاسمانیی بۆ سەر شەنگال، مەخمور و ناوچەی دێریکی ڕۆژئاوا دەستپێکرد.

لە دوای ڕۆژی ٢٠ی کانوونی دووەمی ٢٠٢٢ و دوای ئەوەی پلانی چەتەکانی داعش لە زیندانی سەناعە تێکشکێنرا، ئەو هێرشە بۆ سەر شەنگال و مەخمور و دێرک ڕوویدا. بەرپرسانی خۆبەڕێوەبەریی خۆسەری باکوور و رۆژهەڵاتی سوریا ڕایانگەیاندووە، چەتەکانی داعش لەگەڵ دەوڵەتی تورکی داگیرکەر، پلانی هێرشەکەیان بۆ سەر حەسەکە دانابوو.

ئەو هێرشەی سەر شەنگال، کە کاتژمێر ٢٢:٠٠ی شەوی رابردوو دەستیپێکرد، لە ساڵی ٢٠١٧ەوە ئەەوە قورسترین هێرشە، کە لە دژی شەنگال ئەنجام درابێت. چەندین فڕۆکەی جەنگی بەشدارییان لەو هێرشەدا کردووە و بۆ ماوەی زیاتر لە ٤ کاتژمێر ناوچە ستراتیژییەکانی وەک ئامود، چل مێران لە شەنگال بە چڕی بۆردومان کران.

دیمەنەکان قورسی و چڕیی هێرشەکان روون دەکەنەوە و لە دیمەنەکاندا دەبینرێت، کە ژمارەیەکی زۆر شوێن رووخاون.

لە دیمەنەکان دا ئەوە دەبینرێت، کە ئاڵاکانی عێراقی سووتاون، بەردەکان بەدەوربەردا پەرش و بڵاوبوونەتەوە، دیوارەکان رووخاون و دارەکان شکاون.

لە ٢٣ی کانوونی دووەم دا و لە دوای کۆبوونەوەی مستەفا کازمی سەرۆک وەزیرانی عێراق و عەلی رەزا گونەی باڵیۆزی تورکیا لە عێراق ئەو هێرشانە ئەنجامدران.

لەسەر بانگهێشتی ئەنجوومەنی گەل، گەلی شەنگال لە خاڵی پشکنینی موشتەرەکی خانەسۆر کۆدەبنەوە و هێرشەکان ئیدانە دەکەن. ئەو هێرشانە لە کاتێکدا ئەنجامدراون، کە ئەمڕۆ رۆژی جەژنی چلەى زستانی ئێزدییەکانە و رۆژێکی پیرۆزە، کە بەپێی داب و نەریتی ئێزدییەکان نابێت لە رۆژە پیرۆزەکاندا هێرش و شەڕ رووبدات، بەڵام دەوڵەتی تورکی داگیرکەر پێبەندی هیچ بەها و یاسا و نەریتێکی مرۆیی و ئایینی نییە.

پێش ئەمەش لە ٢١ی کانوونی دووەم دا فەرماندەی یەکینەکانی بەرخودانی شەنگال (یەبەشە) ئازاد ئێزدین و شەڕڤانی یەبەشە ئەنوەر تۆلهەلدان لە هێرشی فڕۆکە بێفڕۆکەوانەکانی دەوڵەتی تورکی داگیرکەر دا شەهید ببوون.

ژ.ت