یەنەکە: پەدەکە ناهێڵێت پارێزگارێکی کورد بۆ کەرکوک دابنرێت
ئەندامێکی مەکتەبی سیاسی یەنەکە ڕایگەیاند پەدەکە ناهێڵێت پارێزەرێکی کورد بۆ کەرکوک دابنرێت و گەلی کەرکوک بەبۆنەی ئەم هەڵوێستەوە زیانی پێ دەگات.
ئەندامی مەکتەبی سیاسی یەنەکە، شاڵاو عەلی عەسکەری دەربارەی هەڵوێستی یەنەکە و پەدەکە دەربارەی پارێزگاری کەرکوک لێدوانی دا.
شاڵاو عەلی عەسکەری ڕایگەیاند پارتەکانی کوردستان خیانەتیان لە گەلی کورد کردووە و گوتی: "ئەگەر بە لیستێکی هاوبەش بچوونایەتە هەڵبژاردنەوە، ئەوکات کورد زۆرینەی دەبردەوە. لەبەرئەوەی پەدەکە پارێزگارێکی کورد و یەکێتی قبووڵ ناکات، پارێزگارێکی عەرەب لەسەر کارە. خەڵکی کەرکوک لەم ڕەوشە زەرەرمەند دەبن".
هەروەها گوتی چیتر یەنەکە مەرج و داخوازییەکانی پەدەکە قبووڵ ناکات.
لە هەڵبژاردنەکانی ئەنجوومەنی پارێزگای کەرکوک کورد بە گشتی ٧ کورسی بەدەستهێنا. لەبەرئەوەی یەنەکە و پەدەکە لەسەر کاندیدێکی کورد بۆ پارێزگار ڕێک نەکەوتوون، هێشتا کەس بۆ پارێزگاری کەرکوک دەستنیشان نەکراوە.
