بەهۆی تەقینەوە لە کەرکوک ١١ کەس بریندار بوون
لە شارى کەرکوکى باشوورى کوردستان دوێنێ شەو لە چەند شوێنێک تەقینەوە روویاندا و بەهۆى ئەو تەقینەوانە ١١ کەس بریندار بوون، کە یەکێکیان منداڵە.
لە شارى کەرکوکى باشوورى کوردستان دوێنێ شەو لە چەند شوێنێک تەقینەوە روویاندا و بەهۆى ئەو تەقینەوانە ١١ کەس بریندار بوون، کە یەکێکیان منداڵە.
ئەفراسیاو کامیل وتەبێژى پۆلیسى کەرکوک رایگەیاند، ٤ تەقینەوە لە کەرکوک روویاندا و ئامانج لە تەقینەوەکان بڵاوکردنەوەى ترس و تۆقاندنى هاووڵاتییان بووە.
وتەبێژى پۆلیسى کەرکوک راشیگەیاند، لە گەڕەکى شۆریجە لە نزیک نەخۆشخانەى منداڵان و لە نزیک بەنزیخانەى شۆریجە ٣ بۆمبى دەستکرد و نارنجۆک تەقێنراونەتەوە و بەو هۆیەوە ٩ کەس برینداربوون.
بەپێى زانیارییەکان بەهۆى تەقینەوەکانەوە بە گشتى ١١ کەس برینداربوون، کە یەکێکیان منداڵە.
ر.م