بە تۆمەتی بەشداریکردن لە مەراسیمی بە خاکسپاردنی تەرمی گەریلای هەپەگە دەوران بایسال، پەرلەمانتارانی هەدەپەی ئێلح فەلەکناس ئوجا و محەمەد روشتو تریاکی لێکۆڵینەوەیان لەگەڵ کرا.
پەرلەمانتارانی هەدەپە فەلەکناس ئوجا و محەمەد تریاکی بە تۆمەتی بەشدارییان لە مەراسیمی بە خاکسپاردنی تەرمی گەریلای هەپەگە دەوران بایسال (سمکۆ کەربۆران) لە گۆڕستانی ئاسریی شاری ئێلح، لەلایەن دادگای ئاکەپە – مەهەپەوە لێکۆڵینەوەیان لەگەل کرا.
لە لێکۆڵینەوەکەدا تۆمەتى 'پڕوپاگەندە بۆ رێکخستن' خراوەتە پاڵ ئوجا و تریاکی.
هەروەها هەفتەی رابردوو پەرلەمانتارانی هەدەپەی شاری ئامەد رەمزییە تۆسوون و موسا فاریس ئۆگولاری بە تۆمەتی بەشداریکردنیان لە مەراسیمی بە خاکسپاردنی تەرمی گەریلای هەپەگە جودی ئامەد لێکۆڵینەوەیان لەگەڵ ئەنجامدرابوو.
ر.م
