دیسانەوە ٣٠ ناوچەى جۆلەمێرگ قەدەغەکرایەوە
پارێزگارى جۆلەمێرگ ٣٠ ناوچەى جۆلەمێرگى کرد بە ناوچەى ئەمنیى تایبەت و هاتووچۆی لەو ناوچانە قەدەغەکرد.
پارێزگارى جۆلەمێرگ ٣٠ ناوچەى جۆلەمێرگى کرد بە ناوچەى ئەمنیى تایبەت و هاتووچۆی لەو ناوچانە قەدەغەکرد.
دیسانەوە ٣٠ ناوچەى ناوەندى جۆلەمێرگ و ناوچەکانى تری ئەو پارێزگایە بە پاساوی ئەمنى بۆ ماوەى ١٥ رۆژ کران ناوچەى ئەمنیى تایبەت و هەموو جۆرە هاتووچۆیەکیان تیادا قەدەغەکرا.
پارێزگارى جۆلەمێرگ رایگەیاندووە، ئەو ٣٠ ناوچە دەکەونە سنوورى ناوچەکانى گەڤەر، شەمزینان، چەلێ و ناوەندى جۆلەمێرگەوە.
بەپێى راگەیاندراوەکەى پارێزگارى جۆلەمێرگ ئەو ناوچانە لە ٢٣ى تەمووزەوە تاوەکو ٦ی ئاب دەکرێنە ناوچەى ئەمنیى تایبەت و هەمووجۆرە هاتووچۆیەک لە ناوچانەدا بەرووی هاووڵاتییاندا قەدەغە دەکرێت.
ر.م