لە ناوچەى گەڤەرى جۆلەمێرگ ئۆتۆمبێلێکى زرێپۆشى سوپاى تورکیا خۆى کرد بە ناو جەڵەبێک مەڕدا و لە ئەنجامدا ٢٠ مەڕی کوشت.

رووداوەکە لە کوێستانى جڤانێ لە نزیک گوندی جڤان روویداوە و کاتێک هاووڵاتییەک مەڕەکانى بۆ لەوەڕ بردووە بۆ ئەو کوێستانە و لە کاتى لەوەڕدا کاروانێکى سوپاى تورکیا بە نزیکى ئەو شوێنەدا تێپەڕیوە و زرێپۆشێکیان خۆى کردووە بە ناویاندا و هەڵگەڕاوەتەوە و لە ئەنجامدا ٢٠ سەر مەڕی هاووڵاتییەک بە ناوی سەلیم ئاڵتان-ی کوشتووە.

کاروانە سەربازییەکەی سوپاى تورکیا وەک ئەوەى کە هیچ رووى نەدابێت بەردەوامیى بە رۆیشتنەکەى داوە و هاوکاریى هاووڵاتیانیان نەکردووە، هاووڵاتییان خۆیان مەڕە مرداربووەکانیان لە سەر رێگاکە لابردووە.

ر.م