بەپێی زانیارییەکان، ئەو فڕۆکە جەنگییانەى کە دەوترێت هی دەوڵەتی تورکی داگیرکەرن، درەنگانی شەوی رابردوو چیای شێخ ناسر لە ناوچەى باڵەکایەتی و گوندی بێرکمی برادۆست بۆردومانکرد.

چیای شێخ ناسر شوێنی باخ و رەزی هاووڵاتییانی ئەو ناوچەیە.

بەهۆی ئەو بۆردومانانەوە زیانێکى زۆر بە ژینگە و سروشتی هەرێمەکە گەیشتووە و ئاگر بەربووەتە ناوچەکە.

هەروەها بەهۆی بۆردومانکردنی گوندی بێرکم لە برادۆست رەز و باخچەى هاووڵاتییان ئاگری تێبەربوو. هاوکات بەهۆی ئەو بۆردومانەوە کارەبای گوندەکانی دەرا و دێرکم پچڕان.

ژ.ت