ئیبراهیم ئاڵکانی تەمەن ٦٦ ساڵ لە زیندانی جۆری ئێف لە وان زیندانیکراوە. بەهۆی پێدانی "دەرمانی هەڵەوە" ژەهراوی کراوە. ئیبراهیم ئاڵکان نەخۆشییەکانی شەکرە و کۆلسترۆڵی هەیە و ٢ ساڵە زیندانیکراوە. دوای ئەوەى ژەهراوی بووە گواستراوەتەوە بۆ بنکەى تەندروستیی ناو زیندانەکە.

پنار ئاڵکان بووکی ئیبراهیم ئاڵکان رایگەیاند، "دەرمانی هەڵەیان" بە خەزوری داوە و ژەهراوی بووە و لە مردن گەڕاوەتەوە. پنار ئاڵکان داوای لە بەرپرسانی زیندان و وەزارەتی داد کرد، کە بە ئەرکەکانی خۆیان هەستن.

پنار ئاڵکان راشیگەیاند، خەزوریان نەبردووە بۆ نەخۆشخانە و سەرباری ئەوەى "دەرمانی هەڵەیان" پێداوە و ژەهراوییان کردووە، مەترسیی ڤایرۆسی کۆرۆناش هەڕەشە لە سەلامەتی و ژیانیان دەکات.

پنار ئاڵکان ئەوەشی وت، زیندانەکان پاک و خاوێن نین و خەزوری وەک زیندانییە نەخۆشەکانی تر داوەتە دەستی مردن و داوای لە بەرپرسانکرد، خەزوری و زیندانییە نەخۆشەکانی تر بە خێرایی ئازاد بکەن.

ژ.ت