هاوسەرۆکانی هەدەپە لە ئێلح دەستگیرکران
هێزەکانى پۆلیسی دەوڵەتى تورک هەڵیانکوتایە سەر بارەگای هەدەپە لە ئێلح و عومەر کوتلو و فاتمە ئالبای هاوسەرۆکانی هەدەپەی ئێلحیان دەستگیرکرد.
هێزەکانى پۆلیسی دەوڵەتى تورک هەڵیانکوتایە سەر بارەگای هەدەپە لە ئێلح و عومەر کوتلو و فاتمە ئالبای هاوسەرۆکانی هەدەپەی ئێلحیان دەستگیرکرد.
پۆلیسی دەوڵەتى تورک هەڵیکوتایە سەر بارەگای پارتی دیموکراتیکى گەلان (هەدەپە) لە ئێلح و بۆ ماوەى ٢ کاتژمێر لە بارەگاکەدا پشکنیان ئەنجامدا و هەموو کەلوپەلەکانى بارەگەکەیان تێکوپێکدا و دەستیان بەسەر وێنەکانى عەبدوڵا ئۆجالان رێبەری گەلی کورددا گرت.
لە کاتی هەڵکوتانە سەر بارەگاکەدا پەرلەمانتارانی هەدەپە، عایشە ئاجار باشاران، محەمەد رەشتو تیریاکی و دکتۆر نەژاد ئیپەکیوز و پارێزەرانیش لە بارەگەکەدا بوون. لە کاتی پشکینینی بارەگاکەدا دەورووبەری بارەگاکە لەلایەن پۆلیسەوە گەمارۆدرا و رێگاکانى رۆیشتن بۆ بارەگاکە داخران و ئەندامان و بەڕێوەبەرانی حیزبەکەش لە بەر دەرگای بارەگای حیزبەکەیان بوون تاوەکو هۆکاری هەڵکوتانەکەى پۆلیسیان بۆ روون بێتەوە.
لە کاتی پشکنینی بارەگاکەدا پۆلیس دەستیگرت بەسەر وێنەکانى عەبدوڵا ئۆجالان رێبەری گەلی کورد و حەقی قەرار و ساکینە جانسز و کەلوپەلە دیجیتاڵەکانی ناو بارەگاکەدا.
دوای پشکنینەکان عومەر کوتلو و فاتمە ئالبای هاوسەرۆکانی هەدەپە لە ئێلح دەستگیرکران.
ژ.ت