هه‌په‌گه: ١٥ سه‌ربازی توركیا كوژران
هه‌په‌گه ڕایگه‌یاند له ئه‌نجامی چه‌ند چالاكییه‌كی جیاواز له چه‌ند هه‌رێمێكی جیاوازی كوردستان، ١٥ سه‌ربازی سوپای توركیای داگیركه‌ر كوژران.
ناوه‌ندی ڕاگه‌یاندنی هێزه‌كانی پاراستنی گه‌ل - هه‌په‌گه ڕاگه‌یه‌نراوێكی بڵاوكرده‌وه و ئه‌نجامی چالاكییه‌كانی گه‌ریلای له ئاگری، جۆله‌مێرگ، به‌دلیس و سێرت-ی باكووری كوردستان ئاشكرا كرد.
له ڕاگه‌یه‌نراوی هه‌په‌گه‌دا هاتووه:
له ئاگری هه‌ڵمه‌تی شۆڕشگێڕی
له چوارچێوه‌ی هه‌ڵمه‌تی سه‌ركه‌وتنی شۆڕشگێڕیدا، هێزه‌كانمان ڕۆژی ٢٠ی ئایار (ئه‌مڕۆ) كاتژمێر ٧:٣٠ له دژی زۆر خاڵی سه‌ربازیی شارۆچكه‌ی گوربوولاك-ی ناوچه‌ی بازید-ی ئاگری هه‌ڵمه‌تێكی شۆڕشگێڕییان ئه‌نجامدا. له چالاكییه‌كه‌دا زۆر سه‌ربازی دوژمن كوژران. زانیاری به‌رفره‌وان ده‌رباره‌ی هه‌ڵمه‌ته‌كه دواتر ئاشكرا ده‌كرێن.
چالاكی به‌رفره‌وان له جۆله‌مێرگ و باشووری كوردستان
له چوارچێوه‌ی هه‌ڵمه‌تی شۆڕشگێڕیی شه‌هید پیرۆز و شه‌هید ئاگری، ١٨ و ١٩ی ئایار له دژی سوپای كۆماری توركیای داگیركه‌ر چالاكییه‌كیان ئه‌نجامدا:
ئێواره‌ی ١٨ی ئایار كاتژمێر ٢٢:٠٠ هێزه‌كانمان له هه‌رێمی نێوان جۆله‌مێرگ و ناوچه‌ی چه‌لێ، له دژی كاروانێكی سوپای كۆماری توركیای داگیركه‌ر كه له چه‌ندین ئۆتۆمبێلی زرێپۆش پێكهاتبوو، له شوێنێكی نێوان گونده‌كانی دزێ و تالێ چالاكییه‌كانیان ئه‌نجامدا. له‌م چالاكییه‌دا ئۆتۆمبێلێكی زرێپۆش له جۆری كۆبرا تێكشكێنرا و ٩ سه‌ربازی دوژمن كوژران. سوپای كۆماری توركیای داگیركه‌ر له دوای چالاكییه‌كه ڕێگه‌ی هاتووچۆی داخست.
١٩ی ئایار كاتژمێر ٦:٣٠، هێزه‌كانمان هێرشیان كرده سه‌ر هێزه‌كانی داگیركه‌ر له‌سه‌ر گردی كۆردینه‌ی ناوچه‌ی چه‌لێ-ی جۆله‌مێرگ. گورزی توند له سه‌نگه‌ره‌كانی دوژمن درا، به‌ڵام ژماره‌ی سه‌ربازه كوژراو و برینداره‌كان ڕوون نه‌بوویه‌وه. هێزه‌كانی داگیركه‌ر له دوای چالاكییه‌كه به ئۆبوس و هاوه‌ن تۆپبارانی دوروبه‌ریان كرد.
هه‌مان ڕۆژ كاتژمێر ١٨:٣٠، له دژی سه‌ربازانی دوژمن كه له‌سه‌ر گردی لێلیكان-ی باشووری كوردستان جێگیربوون، چالاكییه‌كیان ئه‌نجامدا. هێزه‌كانمان له سێ قۆڵه‌وه ده‌ستڕێژییان له سه‌نگه‌ره‌كانی دوژمن كرد و له ئه‌نجامدا ٣ سه‌رباز كوژران و ٣ی دیكه‌ش بریندار بوون. سوپای كۆماری توركیای داگیركه‌ر له دوای چالاكییه‌كه به كۆپته‌ری جه‌نگیی جۆری كۆبرا بۆمبارانی هه‌رێمه‌كه‌یان كرد.
ئێواره‌ی هه‌مان ڕۆژ كاتژمێر ٢٠:٣٠، هێزه‌كانمان هێرشیان كرده سه‌ر سه‌ربازانی دوژمن له گردی له‌یله‌ك-ی ناوچه‌ی شه‌مزینان-ی جۆله‌مێرگ. له چالاكییه‌كه‌دا ٢ سه‌رباز كوژران و یه‌كێكی دیكه‌ش بریندار بوو.
له به‌دلیس چالاكی
١٩ی ئایار كاتژمێر ١١:٢٠ هێزه‌كانمان له دژی خاڵێكی سه‌ربازی له‌سه‌ر ڕێگه‌ی تاتوان - خیزان چالاكییه‌كیان ئه‌نجامدا. ده‌ستڕێژیی گوله‌یان له سه‌ربازانی دوژمن كرد و سه‌ربازێكی دوژمن كوژرا و یه‌كێكی دیكه‌ش بریندار بوو. سوپای كۆماری توركیای داگیركه‌ر له دوای چالاكییه‌كه به ئۆبوس و هاوه‌ن هێرشی كرده سه‌ر هه‌رێمه‌كه.
چالاكی له دژی بیره‌نه‌وت
١٩ی ئایار كاتژمێر ٢١:٣٠، هێزه‌كانمان له دژی بیره‌نه‌وت-ی شارۆچكه‌ی به‌كرخان له ناوچه‌ی هه‌زۆ-ی ئێلیح (باتمان) چالاكییه‌كیان ئه‌نجامدا و ئه‌و بیره‌نه‌وته‌یان خرا كرد.
s.m
