پێشنیوەرۆی ئەمرۆ لە شاری کەرکوک، بە فەرمانی لیوا (عەلی کەمال عەبدولرەزاق) بەرێوبەری پۆلیسی کەرکوک و بەسەرپەرشتی عەمید (سینان بەیاتی) دەستکرا بە ‌هەڵمەتێکی بەرفراون و دانانی خالی پشکنین لە تەواوی شارەکە بۆ دەستگیرکردن و سزادانی سەرپێچیکەران، هەڵمەتەکە بە بەشداری هێزێکی زۆری پۆلیسی فریاکەوتن و پۆلیسی هاتووچۆ و پۆلیسی کاروباری ناوخۆ و چەند دەزگایەکی ئەمنی دیکەی لە شارەکە ئەنجامدراوە.

هێزەکان لەشێوەی مەفرەزە لەسەرجەم شەقامەکاندا دانراون بۆ  لێپێچینەوە لە شۆفێرانی سەرپێچیکار و سزادانی ئەو شۆفێرانەی جامی ئۆتۆمبێڵەکانیان رەش کردووە یاخود پەردەیان بۆی بەستووە و یان ژمارەی ئۆتۆمبێل و مۆڵەت و کاغەزی فەرمی ئۆتۆمبێلیان نیە.

ز.ش