کۆمیتەى بەڕێوەبەریى پارتى کرێکارانى کوردستان (پەکەکە) بە بۆنەى ١٩ى تەمووز شەشەمین ساڵڕۆژی شۆڕشى رۆژئاواى کوردستان راگەیاندراوێکى بڵاوکردەوە. لە راگەیاندراوەکەى پەکەکەدا هاتووە، ١٩ى تەمووزی ٢٠١٢ / ٢٩ى پووشپەڕ، ئەو رۆژەیە گەلی رۆژئاواى کوردستان بە بڕیار و ئیرادەى خۆی بۆ ژیانێکى ئازاد شۆڕشى بەرپاکرد.

پەکەکە رایگەیاند، ئیرادەى ژیانى ئازاد بە رۆحی ١٤ى تەمووزی ١٩٨٢ و مانگرتنى گەورە تاوەکو مردن سەلمێنرا و ئەوەش گواسترایەوە بۆ شۆڕشى ١٩ى تەمووزی ٢٠١٢ى رۆژئاواى کوردستان و هەڵوێستى نەگۆڕی گەلی سەلماندەوە.

کۆمیتەى بەڕێوەبەرى پەکەکە، ساڵڕۆژی شۆڕشى مێژوویى ئازادیى رۆژئاواى لە عەبدولا ئۆجالان رێبەرى گەلی کورد، گەلی رۆژئاواى کوردستان، هێزەکانى ئازادیى رۆژئاوا و هەموو مرۆڤایەتى پیرۆزکرد.

پەکەکە لە کەسایەتیى شەهیدانى کۆبانێ و بەرخۆدانى عەفرین و هەموو شەهیدانى ئازادی و دیموکراسیى بە رێز و بە مەنتدارییەوە بە بیرهێناوەتەوە.

لە راگەیاندراوەکەى کۆمیتەى بەڕێوەبەریى پەکەکەدا ئەوەش هاتووە، حەوتەمین ساڵی شۆرش، شۆڕشى رۆشنبیری و کۆمەڵایەتیى گەلی رۆژئاوا قوڵتر دەبێت. هێزى خۆپاراستن بەهێزتر دەبێت و لەسەر بنەمای یەکێتیى سوریاى دیموکراتیک تێکۆشانى سیاسی گەشتر دەبێت.