کردنەوەی بنکەی هەڵبژاردنی هەدەپە لە وان
خەباتی هەڵبژاردنی ڕێکخستنەکانی هەدەپە لە شاری وان بەردەوامە. لەو چوارچیوەیەدا مەجلیسی ژنانی هەدەپە-ی وان ڕێپێوانێکیان ئەنجامدا ، بەهەزارن کەس بەشدارییان لە ڕیوڕەسمی کردنەوەی بنکەی هەڵبژاردنی هەدەپە-ی وان کرد.
ئاپۆڕای جەماوەر بە جۆش وخرۆشەوە پێشوازی لە هەڵمەتی بانگەشەی هەدەپەدا دەکەن.بەڕێوەبەرانی هەدەپە ودەبەپە بە چەپڵەڕێزان و هەلهەلەوە پیشوازییان لێدەکرێت.
مەجلیسی ژنان-ی هەدەپە ڕێپیوانیکی بە ئامێری دەف بەڕێوەبرد کە سەدان ژن بە لێدانی دەف لەناو شەقامەکانی واندا گەڕان. دواتر هاوسەرۆکی هەدەپە-ی وان یادیشەن و هاوسەرۆکی دەبەپە ئایا تارحان و مەجلیسی ژنان-ی هەدەپە لە ناو بازاری ڕووس وئەورووپا چاویان بە هاووڵاتیان کەوت.
مەراسیمی کردنەوەی بنکەی هەڵبژاردنی هەدەپە بە چەندین لێدوان و وتار دەستی پێکرد وپاشان گەل بە شایی وهەڵپەڕکێ لەبەردەم بنکەکەدا تا درنگانیک مانەوە.
ک-ش
