گەریلا تیڤی دیمەنی چالاکیی گەریلاکانی یەژاستار لە حەفتانین بڵاوکردەوە؛ ٩ سەرباز سزادران

گەریلا تیڤی ڤیدیۆ و دیمەنی چالاکییەکی هێزەکانى یەژاستاری لە دژی سوپای تورکی داگیرکەر لە حەفتانینی هەرێمەکانى پاراستنی مەدیا بڵاوکردەوە. لەو چالاکییەدا ٩ سەربازی سوپای تورکی داگیرکەر سزا دران و ٦ سەربازی تریش بریندار بوون.

ناوەندی راگەیاندن و چاپەمنیی هێزەکانی پاراستنی گەل (هەپەگە) لە بارەى ئەو چالاکییەوە رایگەیاند:

"هێزەکانی یەژاستارمان لە چوارچێوەى هەڵمەتی شۆڕشگێڕیی جەنگی حەفتانین دا لە ٥ی ئابدا لە دژی سوپای تورکی داگیرکەر چالاکییەکیان ئەنجامدا.

ئەو چالاکییە کاتژمێر ٠٧:٤٥ دا لە دژی یەکەیەکی سوپای تورکی داگیرکەر لە نێوان شاخی دوپشک و شاخی شەهید بێریڤان دا بەڕێوەچوو. لەو چالاکییەدا ٩ سەربازی دوژمن سزادران و ٦ سەربازی تریش بریندار بوون".

ژ.ت