فەرماندەی یەبەشە لە بارەی زۆربوونی جموجوڵی فڕۆکە جەنگیە بێفڕۆکەوانەکان لەسەر ئاسمانی شەنگال و بە ئامانجگرتنی هێزەکانی یەبەشە راگەیێنراوێکی بڵاو کردەوە و رایگەیاند، فڕۆکە جەنگیەکان هێرشێکیان ئەنجامداوە و زانیاریەکان دواتر بڵاو دەکرێنەوە.
فەرماندەی یەکینەکانی خۆڕاگریی شەنگال لە بارەی جموجوڵی فڕۆکە جەنگیە بێفڕۆکەوانەکانی سوپای داگیرکەری تورک راگەیێنراوێکی بڵاو کردەوە کە تێیدا هاتووە:
"وەکو ئاشکرایە پێشووتر چەند جارێک دەوڵەتی تورک بە فڕۆکەی جەنگی بێفڕۆکەوان لە دژی هێزەکانمان هێرشی ئاسمانی ئەنجام دابوو. دوایین جاریش لە ١٥ی حوزەیراندا بە فڕۆکەی جەنگی هێرشێکی ئاسمانی ئەنجامدا.
بەم دواییەش، جموجوڵێکی زۆری فڕۆکەی بێفڕۆکەوان دەبینرێت. بەمەش شەڕڤانەکانمان دەکەنە ئامانج. ئەمڕۆ لە کاتژمێرەکانی ئێوارەدا، هێرشێک ئەنجامدار. لە بارەی هێرشی ئاسمانی فڕۆکە جەنگیە بێفڕۆکەوانەکانی دەوڵەتی تورکدا، دواتر زانیاری ورد بڵاو دەکەینەوە."
ز.ش
