فڕنه‌كانی عه‌فرین بێ به‌رانبه‌ر نان دابه‌ش ده‌كه‌ن

دوای هێرشه‌كانی داگیركه‌ر له‌سه‌ر عه‌فرین، ڕۆژ به‌ ڕۆژ ژماره‌ی ئاواره‌كان له‌ عه‌فرین زیاتر ده‌بن. له‌به‌رئه‌وه‌ ئه‌نجومه‌نی گه‌لی عه‌فرین بڕیاری دا كه‌ فڕنه‌كانی شاره‌كه‌ بێ به‌رانبه‌ر نان به‌سه‌ر هاوڵاتیاندا دابه‌ش بكه‌ن.

به‌هۆی هێرشه‌كانی ده‌وڵه‌تی توركیا و چه‌ته‌كانی بۆ سه‌ر عه‌فرین، ژماره‌یه‌كی زۆری ئاواره‌ له‌ گوند و ناوچه‌كانی هه‌رێمه‌كه‌ ڕوویان له‌ ناوه‌نداری شاری عه‌فرین كردووه‌. له‌گه‌ڵ زیادبوونی هێرشه‌كان، ژماره‌ی ئاواره‌كانیش له‌نێو شاری عه‌فرین زیاد ده‌كات.

به‌هۆی كه‌مبوونه‌وه‌ی پێداویستییه‌ سه‌ره‌كییه‌كانی خواردن و خواردنه‌وه‌ له‌ شاری عه‌فرین، ئه‌نجومه‌نی گه‌لی عه‌فرین بڕیاری دا فڕنه‌كان بێ به‌رانبه‌ر نان به‌سه‌ر هاوڵاتیاندا دابه‌ش بكه‌ن. له‌ شاره‌كه‌ فڕنێكی سه‌ر به‌ ئه‌نجومه‌نی گه‌لی عه‌فرین و دوو فڕنی تایبه‌ت كه‌ هه‌ماهه‌نگییان له‌گه‌ڵ ئه‌نجومه‌نی گه‌ل هه‌یه‌، ده‌ستیان به‌ خزمه‌تی گه‌ل كرد و بێ پاره‌ نان دابه‌ش ده‌كه‌ن.

s.m