بە بەشداری کوردان و دۆستەکانیان و بە پێشەنگایەتی نەجەدەکە لە شاری هێلسنکی پایتەختی فیلەندا بۆ پشتیوانیکردن لە بەرخۆدانی ڕۆژئاوا چالاکی ئەنجامدرا. لە چالاکییەکەدا ئاڵای یەپەژە و یەپەگە بەرزکرانەوە و بە بەردەوامی درووشمی "بژی بەرخۆدانی رۆژئاوا" دەوترایەوە.

چالاکییەکە بە خولەکێک ڕێزلێنان لە شەهیدانی ڕێگەی ڕزگاری کوردستان دەستیپێکرد و دواتر لەسەرناوی ناوی جەماوەری چالاکییەکە ڕاگەیاندراوێک خوێندرایەوە و بانگەوازی بۆ پشتگیریکردنی بەرخۆدانی گەلانی ڕۆژئاوا کرا و هێرشی چەتەکانی دەوڵەتی تورکی داگیرکەر شەرمەزار کرا.

چالاکییەکە بە وتنەوەی درووشم و سرودی شۆڕشگێڕیییەوە تا درەنگانێک بەردەوام بوو.