وەزیری ناوخۆی بەریتانیا ڕایگەیاند، حیزبوڵای لوبنان کردەوەکانی بۆ ناسەقامگیریی دۆخی هەستیاری ڕۆژهەڵاتی ناوەڕاست بەردەوام دەکات و ئێمە ناتوانین جیاوازییەک بخەینە نێوان لقی سیاسی و لقی سەربازی ئەم گروپە، بۆیە بڕیارمان داوە کە چالاکییەکانی ئەم گروپە بە چالاکیی نایاسایی ڕابگەیەنین.

هەروەها جرمی هانت وەزیری دەرەوەی بەریتانیاش ڕایگەیاندووە، کە وڵاتەکەی پشتیوانی لوبنانێکی سەقامگیر و سەرکەوتوو دەکات، بەڵام کاتێک مەترسی تیرۆرهەبێت ناتوانین نەرمی بنوێنین.

هانت ئەوەشی وتووە 'ئاشکرایە کە جیاوازییەک لە نێوان لقی سیاسی و لقی سەربازی حیزبوڵادا نییە، بە گەمارۆ خستنە سەرحیزبوڵا دەوڵەت پەیامێکی ڕوونی هەیە، ئەوەش ئەمەیە، کە چالاکییە تێکدەرانەکانی ئەم گروپە لە ناوچەکە جێگای قبوڵ نییە و بۆ ئاسایشی بەریتانیا زیانی هەیە.

حیزبوڵای لوبنانی، گروپێکی چەکداریی شیعەیە، کە ڕژیمی ئێران پشتیوانی لێدەکات و لە ساڵانی هەشتاکانی سەدەی ڕابردوو لە لوبنان دامەزراوە، پێشتر ئەم گروپە لەلایەن ئەمریکاوە خراوەتە لیستی تیرۆرەوە.

ک-ش