ئەو گروپە شیلییە لە گۆڕەپانی سەرگەلستۆرگ کۆبوونەوە و بە بەرزکردنەوەی پانکاری و وتنەوەی دروشم داوای بایکۆتکردنی بەرهەمە شیلییەکانیان کرد.

چالاکوانان ڕایانگەیاند،"پێویستە کردەوەکان و پێشێلکردنی مافەکانی مرۆڤ لە لایەن حکومەتی شیلییەوە شەرمەزار بکرێت. پەیمانی هاوکاری کە بڕیارە لەنێوان سوید و شیلیدا واژۆ بکرێت هەڵبوەشێتەوە. توندوتیژی پۆلیس کۆتایی پێبهێنرێت و بەرهەمی شیلی بایکۆت بکرێت."

ڤانیا ڕامیرەز لیۆن یەکێک لە چالاکوانان لەبارەی دۆخی شیلی بە ئاژانسەکەمانی ڕاگەیاند، لە مانگی تشرینی یەکەمی ٢٠١٩ەوە لەکاتی دەستپێکردنی چالاکیەکان لەدژی حکومەت، ٢٥ هەزار خۆپیشاندە دەستگیر و ئەشکەنجەدراون.

لیۆن باسی ئەوەی کرد کە لە ٣٠٠ کەس لە دەستگیرکراوەکان منداڵنن ووتی،"بانگەوازیمان بۆ گەلان خۆشک و برا ئەوەیە لە کەلوپەل و بەرهەمی شیلی بایکۆت بکەن. هەروەها داوا لە حکومەتی سوید دەکەین کە کۆتایی بە فرۆشتنی چەک بە شیلی بهێنێت."

ف.ق