لە وڵاتی نەمسا نزیکەی ٢٥٠ هەزار پەنابەری کورد و تورک ژیان دەکەن. لەو ڕێژەیەش ١١٦ هەزار کەس ناوی خۆیان تۆمارکردووە بۆئەوەی بەشداری لە پرۆسەی دەنگداندا بکەن بۆ هەڵبژاردنەکانی ٢٤ی حوزەیران.

لە هەڵبژاردنی ١ی کانون/١٠ بەفرانبار لەسەدا ٤٠ ی ئەو کەسانەی مافی دەنگدانیان هەبوو، ڕۆشتبوونە سەر سندوقەکانی دەنگدان و دەنگی خۆیان دابوو. ڕێژەیەکی زۆری پەنابەرانی تورکیا و کوردستان لە نەمسا، خەڵکی هەرێمەکانی ئەنادۆڵی ناوەڕاستن کە شوێنەکانی وەک دەرسیم، سێواز و ئەرزینجان دەگرێتەوە، بەشێکی زۆریشیان لە کۆمەڵگەی عەلەویین. هاوکات لەگەڵ دژبەریی ئەو پەنابەرانە لەبەرامبەر ئاکەپەدا لە هەرێمە کوردیەکان و هەدەپە، هەروەها پەیوەندیەکی زۆریش لەگەل هەدەپەدا هەیە.

دەنگەکانی هەدەپە زیاد دەکەن

لە وڵاتی نەمسا، دەستەیەکی گشتیی ناوەندیی هەڵبژاردنەکان سازدراوە و ئەو دەستە گشتییە کاروخەباتەکانی تایبەت بە هەڵبژاردن بەڕێوەدەبات و هەڵیدەسەنگێنێت. ئەندامانی ئەو دەستە گشتییە ڕایانگەیاند کە جۆش و خرۆشێکی گەورە بۆ هەڵبژاردنەکان هەیە. ئەو دەستە گشتییە باسیان لەوەش کردووە کە ئەوان ماڵ بە ماڵ دەگەڕێن و بۆ ئەوەی کە گەل دەنگی خۆی بدات بەردەوام خەبات دەکەن. دەستەکە ئاماژەیان بەوەش کردووە کە لەئەنجامی ئەو خەباتەی ئەواندا، ژمارەیەکی زۆر لە نوێنەرانی ڕێکخراوەکان و نوێنەرانی باوەڕییە جیاوازەکان بەڵێنیان داوە دەنگی خۆیان بدەن بە سەڵاحەدین دەمیرتاش و هەدەپە.

ک-ش