هێزەر ناوەرت وتەبیژى وەزارەتى دەرەوەى ئەمریکا رایگەیاند "قەیرانى ئابووریى تورکیا لە ١ى ئاب بە سزادانى ٢ وەزیرى تورکیا دەستیپێنەکردووە".

قەیرانى دیپلۆماتیکى نێوان ئەمریکا و تورکیا کاریگەریى قورسی کردووەتە سەر بازاڕى تورکیا و بەو هۆیەوە لیرەى تورکیا بێنرخ بووە.

بەرپرسانى بەڕێوەبەریى ئەمریکا رۆژی ١ى ئابی ٢٠١٨ وەزیرانى ناوخۆ و دادى تورکیایان خستە لیستى سزاکانەوە و دەستیان بەسەر داهات و ژمارە بانکى و پارەکانیاندا گرت.

کۆشکى سپیش باجى زیاترى خستە سەر پۆڵا و ئەلەمنیومى تورکیا. هەروەها ئەمریکا رادەستکردنى فڕۆکەى ئێف ٣٥ى بە تورکیا راگرت.

ر.م