لە جیهازی ئەلەکترۆنی ئاژانسی ئامارەکانی میسردا هاتووە، ژمارەی دانیشتووانی ئەو وڵاتە ١٠٠ ملیۆنی تێپەڕاندووە. ئەوەش بە واتای زۆربوونی کێشەکانی وڵات دێت.

میسر دوای وڵاتانی نیجێریا و ئیسیۆپیا لە کیشوەری ئەفریقا لە ڕووی زۆری دانیشتووانەکی سێیەم گەورەترین وڵاتە. لە هەموو جیهانیشدا لە ڕیزی ١٤میندایە.

لە میسر ساڵەن ملیۆنێک و نیو منداڵ لە دایک دەبن. لە ساڵی ١٩٩٠ دا ژمارەی دانیشتووانەکەی ٥٧ ملیۆن کەس بوو و ژمارەی دانیشتووانەکەی لەگەڵ فەڕەنسا لە یەک ئاستدابوو. لە ماوەی ٣٠ ساڵدا ژمارەی دانیشتووانی فەڕەنسا بوو بە ٦٧ ملیۆن، بەڵام ژمارەی دانیشتووانی میسر بوو بە ١٠٠ ملیۆن کە.

لە وڵاتانی نیجێریا و ئیسیۆپیا و میسر بە هۆی زیادبوونی ژمارەی دانیشتووانەکانیان کێشەکانی ئابوری و کۆمەڵایەتیش زیادیان کردووە. لە میسر زۆربەی دانیشتووانەکەی لە دەوروبەری ڕووباری نیل دەژین و لە قاهیرەی پایتەختیش نزیکەی ٢٠ ملیۆن کەس دەژین. ڕێژەی بێکاری لە ساڵی ٢٠١٨ دا ٣٢%ی تێپەڕ کردبوو.

ف.ق