سه‌رۆكوه‌زیرانی نیوزله‌ندا جاسیندا ئاردێرن له‌ كۆبوونه‌وه‌ی ٧٧ هه‌مینی كۆمه‌ڵه‌ی گشتیی نه‌ته‌وه‌یه‌كرگتووه‌كان قسه‌ی كرد و رایگه‌یاند، "ده‌بێت مافی ڤیتۆ نه‌هێڵرێت و ئه‌ندامانی هه‌میشه‌یی (ئه‌نجومه‌نی ئاسایشی نه‌ته‌وه‌یه‌كگرتووه‌كان) بۆ به‌رژه‌وه‌ندی نه‌ته‌وه‌یی و بۆ ئاشتی و ئاسایشی نه‌ته‌وه‌یی به‌رپرسیارێتی خۆیان جێبه‌جێ بكه‌ن".

ئاردێرن باسی له‌وه‌كرد، كه‌ ئه‌گه‌ر نه‌ته‌وه‌یه‌كگرتووه‌كان چاكسازییه‌كان په‌سه‌ند نه‌كات، مه‌ترسی ئه‌وه‌یه‌ كه‌ نه‌ته‌وه‌یه‌كگرتووه‌كان ببێته‌ رێكخراوێكی "ناپه‌یوه‌ندیدار و ناپێویست" و وتی، "بۆ ئه‌و دۆخه‌ له‌ داگیركاری ئۆكرانیا نمونه‌یه‌كی گه‌وره‌تر بوونی نییه‌. ئه‌مه‌ راسته‌وخۆ په‌یوه‌ندی به‌ په‌یماننامه‌ی نه‌ته‌وه‌یه‌كگرتووه‌كان رێسا نێونه‌ته‌وه‌ییه‌كانه‌وه‌ هه‌یه‌".

هه‌روه‌ها وتی، كه‌ ده‌بێت كۆمه‌ڵگای نێونه‌ته‌وه‌یی ئه‌و به‌هایانه‌ بپارێزێت.

هـ . ب