هاوسەرۆکی ناڤ بەرلین حسێن یڵماز رایگەیاند، کە گەلی کورد لەگەڵ دۆستانی لە کۆڵن بە رێپێوان و گردبوونەوە نیشانی دەدەن کە بە دەوری رێبەری گەلی کورد عەبدوڵا ئۆجالان کۆدەبنەوە و ئیتر کاتی ئازادی جەستەیی ئۆجالان هاتووە.

یڵماز لەلێدوانێکدا بۆ ئاژانسی هەواڵی فورات وتی، کە لە چوارچێوەی هەڵمەتی 'ئازادی بۆ عەبدوڵا ئۆجالان، چارەسەری بۆ پرسی کورد' خۆپیشاندان، کۆنفڕانس و گردبوونەوە ساز دەکرێن و وتی، "وەک بەرزترین ئاستی هەڵمەتەکە لە کۆڵن رێپێوانێکی ناوەندی سازدەکرێت. بە سەد هەزار کەس روودەکەنە کۆڵن. ئێمە بەدەوری رێبەرمان کۆدەبینەوە و رایدەگەیەنین کە ئیتر کاتی ئازادی جەستەیی رێبەرایەتیمانە".

یڵماز ئەوەی خستەڕوو، کە لە بەرلینیش ئامادەکارییەکان بۆ رێپێوانەکە تەواوبوون و وتی، "پاس دابینکراوە، سەردانی ماڵان، دوکانداران و کۆڕ و کۆمەڵەکانی گەل کراوە. وەک ناڤ بەرلین داوادەکەین کە ١٦ی شوبات کاتژمێر ٢٣:٠٠ لە رێگەی پاسەکانەوە خۆیان بگەیەننە رێپێوانەکە".

کات و شوێنی کەوتنەڕێی پاسەکان:

١٦ی شوباتی ٢٠٢٤

کاتژمێر ٢٣:٠٠

Residenzstraße 54,
13409 Berlin (Komel)

هـ . ب