لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری کێشەی سیاسی کورد" لە سەرانسەری جیهاندا چەندین چالاکی ئەنجامداران، هەر لەو چوارچێوەیەدا خەباتی ئەنجومەنی گەلی کوردی لەندەن و بەشەکانی بەردەوامە. بزوتنەوەی گەنجانی شۆڕشگێڕ لە بەریتانیا بە بۆنەی ساڵوەگەڕی پیلانگێڕی نێونەتەوەی چەندین پۆستەرییان هەڵواسی.

لە چالاکیەکەدا بەسەدان لە وتەکانی ڕێبەر ئاپۆ لەسەر پۆستەر نوسرانەوە و لە ئۆتۆبوس، کارگە، ئاپارتمان و لە سەر ڕێگا قەرەباڵغەکان هەڵواسران.

هەر لە چالاکیەکەدا لە چوارچێوەی هەڵمەتی "ناردنی ١٠٠هەزار کارت بۆ ئیمراڵی" چالاکی  کارت ناردن بۆ ئیمراڵی لە ناوەندی کۆمەڵگای کوردی هارینگەی بە بەشداری کوردستانیان و دۆستەکانیان ئەنجامدرا. لە کارتەکاندا هەستی خۆیان نوسی و بە ئیمزاکردنەوە ڕەوانەی ئیمراڵی کرا.

گەنجێکی کورد بەناوی ڕۆژین وتی" سەرۆکی من خودای گەورە ئازادیت بە نسیبکات".

هەروەها دۆستێکی کورد بە ناوی تۆم هۆگانی ١٦ ساڵ وتی: "سەرۆکی هێژام، بەو هیوایەم بەزوترین کات لەگەڵ خۆمانت ببینم. بژی ئازادی زیندانیان".

لە چوارچێوەی چالاکیەکاندا بە بەشداری کوردستانیان و دۆستەکانیان، لە ڕۆژی ١٨ی شوباتدا بە بۆنەی ساڵوەگەڕی پیلانگێڕییەوە، لە پێش ماڵی گەلی دالستۆن، گردبوونەوەیەک و ڕیپێوانێک ئەنجام دەدرێت.