له تایله‌ند هێرشی چه‌كداری: ٣٢ كه‌س كوژران، ٢٣ كه‌سیان منداڵن
له تایله‌ند به چه‌ك و چه‌قۆ هێرش كرایه سه‌ر باخچه‌یه‌كی ساوایان. ٣٢ كه‌س كه ٢٣ كه‌سیان منداڵن كوژران.
به‌رپرسی ئاسایشی ویلایه‌تی نۆنگ بوا لامفۆ له باكوری وڵاته‌كه جاككاپات ڤیژراتهایا رایگه‌یاند، كه هێرشبه‌ره‌كه به چه‌ك و چه‌قۆ هێرشی كردووه‌ته سه‌ر باخچه‌ی ساوایان.
هێرشه‌كه به كاتی ناوچه‌كه له كاتژمَر ١٢:٣٠ ئه‌نجامدراوه. هێرشبه‌ره‌كه دواتر به ئۆتۆمبێل هه‌ڵاتووه و ئۆتۆمبێله‌كه‌ش به‌سه‌ر چه‌ندین كه‌سدا وه‌رگه‌ڕاوه.
راگه‌یه‌نرا كه له هێرشه‌كه‌دا لانیكه‌م ٣٢ كه‌س گیانیان له‌ده‌ستداوه، نزیكه‌ی ٢٣ كه‌سیان منداڵن.
جاككاپات ڤیژراتهایا وتی، هێرشكاره‌كه پۆلیسێكی ته‌مه‌ن ٣٤ ساڵ بووه و هاوسه‌ر و منداڵه‌كه‌ی خۆشی كوشتووه. راگه‌یه‌نرا ئه‌و منداڵانه‌ی كوژراون ته‌مه‌نیان له نێوان ٢ بۆ ٣ ساڵدا بووه.
له شوباتی ٢٠٢٠یشدا ئه‌فسه‌رێك كه له‌گه‌ڵ فه‌رمانده‌كانی تووشی ده‌مه‌قاڵێ ببوو، له ناو بازاڕ ٢٩ كه‌سی كوشتبوو.
هـ . ب
