لە ٢٥ی حوزەیرانی ٢٠١٢ــەوە، لە شاری ستراسبۆرگی فەرەنسا، لە لایەن هەڵمەتی ئازادی جەستەیی بۆ ڕێبەری گەلی کورد، عەبدوڵا ئۆجالان ' ئیشکگریی ئازادی' بەڕێوەدەچێت.

ئیشکگرییەکە هەموو هەفتەیەک لەلایەن گروپێک لە وڵاتێکی جیاوازی ئەوروپاوە بەڕێوەدەچێت، ئێستا لە هەفتەی ٦١٣ــــەهەمیندا بە سێ وڵاتپارێز لە ئەڵمانەوە بەردەوامە.

ئیشکگر، ئیلهام ئۆزاگار و غوربەت باران و عومەر بۆزکایا ڕایانگەیاند کە ئیشکگرییەکە ١٢ ساڵە بەردەوامە و تا ئازادیی ڕێبەری گەلی کورد، عەبدوڵا ئۆجالان بەردەوام دەبێت.

ئیلهام ئۆزاگار بەناوی گروپەکەوە قسەی کرد و وتی: "ئێمە لە پرۆسەی ئازادیی ڕێبەر ئاپۆداین" و سەرنجی بۆ هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" ڕاکێشا کە لە ئاستی نێودەوڵەتی لە ساڵی ٢٠٢٣ وە دەستپێکردووە.

ئۆزاگار وتی: "ئەم هەنگاوە هەڵمەتێ ئازادی گەلەکەمان و ڕێبەرایەتیمانە، هەردوو پێکەوە گرێدراون.

هەروەها ئۆزاگار بەرامبەر بە بێدەنگیی سی پی تی سەبارەتی بە گۆشەگیری ناڕەزایی دەربڕی و وتی: "ئەوەی ڕێبەر ئاپۆ ڕزگار دەکات،  بەرخۆدانی گەلەکەمانە. ئۆزاگار داوای لە هەموو لایەک کرد بەرپرسیارێتی هەڵبگرن و وتی، پێویستە گەلەکەمان بەشداری هەڵمەتی ئازادی ڕێبەر ئاپۆ بن، پێویستە ئەوەی لە تواناماندا بێت لە چوارچێوەی هەڵمەتەکەدا ئەنجامی بدەین."