هەواڵسازوو بەشوو عەرەبی ئاژانسوو ڕۆژنیوزی، سلێمان ئەحمەد، ڕۊو ١ و تشرینوو یوۋەمی پۍ سەردای لوابۍ پۍ لاو بنەیانەکەیش جە کۊڵانەو شێخ مەقسوودی حەلەبەنە. ڕۊو ٢٥ و تشرینوو یوۋەمی، ئا وەختەی گەرەکش بۍ جە ڕاو دەروازەو پیشخابوور (سێمالکا)یوە گېڵۊوە پانیشتوو کوردسانی، جە لایەنوو هێزەکاو پەدەکەیوە بڕفانیا و ئارۆ ٣٩ ڕووېن حیچ زانیاریېوە جە بارەشۆ ۋەردەس نیا.

حەفتېوە دماو بۍ سەرووشۊنکەرڎەو سلێمان ئەحمەدی، ئاسایشوو پەدەکەو دهۆکی بە ئەرەیاۋنېوە ناڕاس و پەڕ جە چەواشەکەرڎەی، تەئکیدش کەرڎۆ، بڕفانای ڕۆنامەوان سلێمان ئەحمەدی "بە مەڵامەتوو هەرمانەو ڕۆنامەوانیوە نیا" بە ئاشکرا هەڕەشۍ سزاداو ئی ڕۆنامەوانەیشا کەرڎ و دڎانشا بە بڕفانایشەرە نیا. سلێمان ئەحمەد نزیکەو ٥ ساڵان جە بەشوو عەرەبی ئاژانسوو ڕۆژنیوزینە پېسە هەواڵسازی هەرمانەکەرۆ.

ڕۆژنیوز تۆمەتبارکەرڎەکەو ئاسایشوو دهۆک و پەدەکەیش شەرمەسار کەرڎ و داواو ئازاڎکەرڎەی ڕۆنامەوان سلێمان ئەحمەدیش کەرڎ.

حەرچنڎە هەڵوێس و ناڕەزایەتییەکۍ دژوو بڕفانای سلێمان ئەحمەدی زیاتەرۍ با، تا مۍ گومان و نیگەرانییەکۍ سەروو ژیۋای سلێمان ئەحمەدی زیاتەرۍ با.