ئا یەکینە گێڵیەراو گەریلایە، کە هەرێموو گەشمەرڎە دەلیلوو وەرنیشتوو زاپینە دژوو ئەرەگیرا جەنگ کەرا، پەی پاککەرڎەیۊ ئا کەشا کە سوپای ئەرەگیروو تورکی بە پەشتیوانیی پەدەکەی  گەرەکشانە دلێشانە بنۍ وزا، ئۊپەراسیۊنی شۊڕشگێڵنیییانەشا کەرد.

گەریلا بەشداربییەکۍ ئۊپەراسیۊنە شۊڕشگێڵنییەکەی، ئامادەکاری و پەیلوایشا پەی ئاژانسوو هەواوو فوراتی (ANF) بەروست.

یۊ چا گەرلایاو یەژاستاری کە سەرمەشقایەتیی چالاکییەکاو مەیدانەکاو مدرامانوو گەشمەرڎە دەلیلوو وەرنیشتوو زاپی کەرا، تێکۊشین بیلیکی، ئەوەخوایش کەرڎۊ، کە ڕزگاری ڕاو کۊشیای چەکدارییوە  بۊ. واتش: "بەبۍ کۊشیای چەکداری، ڕزگاری و ئازادی نمۍ دی. جە زیلانێوە فێرۍ فیداکاری بیێنمۍ، سارێوە فێروو ساراوە فێری پراکتیکی بیێنمۍ و بێریتانێوە فێروو جەنگکەرڎەی.  ئارۊ تونێلەکاو جەنگی و مەیدانەکانە فرە ڕەفێقێما هەنۍ کە پێسە ئادیشا بیێنۍ سەرمەشقۍ و پا ئیلهامەیە کە چۊماووە ورگێرتێنۍ، ئارۊ وێما پەی ئی ئۊپراسیۊنە شۊڕشگێڵنییە ئامادە کەرڎەن. گرنگتەرین قۊناغوو جەنگی، ئامادەکاریین. ئێمە وشکنای و هەواڵگێری و پلانەکێما تەمامنۍ. چەکەکێما کۊنتڕۊڵ کەرڎێنۍ، جە گردی خاستەر، مۊڕاڵ و قوەما ئینا بەرزتەرین ئاستەنە، دڵنیێنمۍ چی ئۊپەراسیۊنەنە سەرکەوتۍ بیمۍ، باوڕما بە سەرکەوتەین".

"هەرچی کەرا با کەرا،  چاگە بەرێشا کەرمۍ "

گەریلێکۍ هەپەگەی، چەتین سەرحەدە، واتش: "ڕا مەدەیمۍ سەروازاو تورک بەئاسووڎەیی  کەشوو ئامێدیینە مەناوە. هەرپاسە نمازمۍ بەئاسانی کێشیاوە، سالەی وەڵینە ئا هامڕۍ چی مەیدانەنە  جەنگ کەرێنۍ، بەڕۊشنی  ئینەشا نیشانە دا. وەلۍ ئێشاڵ گەرەکمانە وانێوە گەورەتەر دەیمێرە بە سوپاو تورکی، ئێمە پێسە وەرمی مەواچمێش بەدڵنیاییوە کەرمێش. سوپاو تورکیچ لاو وێشۊ ئینا دلۍ ئامادەکاریێوە گەورەینە، وەلۍ ئێمە دای،ە ئینایمۍ شۊنەو جووڵەکاشاوە.  گرنگ نییا چە ئامادەکاریێوە کەرا، تاکتیکوو گەریلای دژوو گردیشا هەن، ئێمە بە ئامانجوو دووروستەیوە سوپاو تورکی چاگەیە، گنمۍ ڕا".

"جوابی پێویس مڎەیمێوە"

گەریلاو هەپەگەی، هاوڕۍ بێکەس کە بەشداروو ئۊپەراسیۊنە شۊڕشگێڵنییەکەی بییەن، پێوەس بە قۊناغوو ئامادەکارییوە پەی چالاکییەکەی، واتش: "پێسە ساڵەو پاری، سوپاو تورکی ئێساڵیچ جە هەرێموو گەشمەرڎە دەلیلوو وەرنیشتوو زاپینە، ئۊپراسیۊنش کەرد وەلۍ ماناش ئانۍ نییەنە کە ئەرەگیرۍ یاوێنۍ ئامانجەکاشا. بە هامکاریی بنەیانەو بارزانی گەرەکشانە پانیشتوو کوردسانی گێرا و ئا سنوورۍ کە وەرمشا پۊوە وینا یاوا لاشا. ئێمەیچ پێسە تیمە گێڵیارەکاو گەریلای، گەرەکمانە دژوو هەوڵەکاو ئەرەگیرا، جوابی پێویس دەیمێوە.  چی چوارچوەنە ئامادەکاری وێما کەرمۍ بە ڕۊحوو هجوومبەرڎەی هامڕا بارانی ئامادێنمۍ، کە ساڵەو پاری چالاکیێوە کەشوو هەکاریینە  گەشمەرڎە بی".