ڕابەرو گەلوو کوردی عەبدوڵا ئۆجالان و عومەر خەیری کۆنار، حامیلی یڵدرم و وەیسی ئەکتاش جە زینڎانوو ئیمرالی، ماوەو ٣٨ مانگان حیچ زانیاریێوە سەرو ژیوایشا وەڵا مەکریۆوە و ماوەو٣ مانگا تەریچ جە چەمپنەکۊتەی چنی بنەیانەی و  پارێزنەرەکاش ونە قەڎەغەکریا.

دادگاو تاوانەکا بورسای جواب و داواکاری پارێزنەرەکاو بنەیانەکاش دەربارەو چەم پنەکەوتەی داوە. دەسەڵاتو دادوەری ئەرەیاۋناش کە جە ٢٨و ئادارینە سەرۆکایەتی دەسەو دیسپلینی "سزاو دیسپلین"یش سەروو عەبدوڵا ئۆجالانیرە سەپنان. زانیان کە قەرارەکە ١٢و نیسانی پەسنڎ کریان.

حەرپاسە پارێزنەرەکۍ ئەرەیاونانشا، پڕۆسەکە بەبۍ ئاماڎەبیەی ئاڎیشا ئەنجامدریان و جە ٢٦و نیسانی داواشا کەردەن قەرارەکە چنی فایل و بەڵگەکا بیاوۆ دەسشا. بەڵام داواکێشا ڕەڎکریێنۆ. هاموەخت تەعنو پارێزنەرا دەربارەو قەرارو "سزاودیسپلینیی"چ ڕەڎ کریاوە.

جە ٢٥و ئادارو ٢٠٢١ یوە تا ئیساتۍ حیچ زانیارێوە سەرو ئاژەو ڕابەرو گەلوو کوردی عەبدوڵا ئۆجالانی مەزانریۆ.