چالاکییەکێ پەی ئازادیی جەستەیی ڕابەروو گەلوو کوردی عەبدوڵا ئۆجالانی و چارەسەرکەرەی پەرسەکاو کوردی بەردەوامێنێ، چا چوارچوەنە شارەکاو مێرسینی و ئەستنەبوڵینە چالاکیێ بە دروشموو 'دەنگ بڎە بە ئازادی' کریێ.

مێرسین

ڕێکوستەیی پارتوو یەکسانی و دیموکراسیی گەلا (دەم پارتی) چەنی گەلی مەنتێقەو ترۆسلارینە جەمێ بیێ.  چالاکییەکەنە ورسەنگنایەکاو ڕابەروو گەلوو کوردی عەبدوڵا ئۆجالانی سەبارەت بە ئازادیی ونیێوە و واتەواچشا بارەوە کریا.

پەرلەمانتارو دەم پارتی ئۆدونجو قسێش کەردێ و واتش: " پەی لابەردەی گۆشەگیری سەروو بەڕێز عەبدوڵا ئۆجالانی و زیندانییای تەری پێویسا چالاکییەکێ بەردەوامێ با. پێویسا چی ڕووەوە گرد هەرمانێوە بکەرمێ."

ئەستەنبوڵ

کەسوکاروو زیندانیکریایا ئەستەنبوڵنە وەردەموو زیندانوو ژەناو باکرکۆینە چالاکیی 'دەنگ بڎە بە ئازادی'یشا  کەرد. سەرۆک فراکسیۆنوو دەم پارتی سیزای تەمەلی و چندین کەسێ تەرێ بەشدارێ چالاکییەکەی بێنێ. چالاکییەکە پۆلیسی هەوڵێ ڕاگێریکەرەیش دا. چالاکیییەکەنە زوبەید ئینجە پەرلەمانتارو دەم پارتی واتش: "نامێ گردوو ئا کەسا کە فەرمانەتا ملەرە کەرا، ئیساتێ دلێ چەتەکانە وەڵا بیینێوە و گرد ئینێ دلێ چەتەکانە."

دماتەر پۆلیس ڕاگێرییش وەنەو چالاکییەکەی کەرد و چندین کەسێش گێرتێ، چالاکێچ سەرەمڕ دروشموو "بژیوۆ مدرامانوو زیندانییا" واتۆ.

زانییا، کە موراد کەلماز هامسەرۆکوو دەم پارتی ئەستەنبوڵنە ئینا دلێ گیریایەکانە.

پۆلیس ڕاش گێرتە وەنەو ڕۆنامەوانا، کە ڕسموو چالاکیییەکەی بگێران.

چالاکیی  وانایوە

تەڤگەروو ژەنە ئازادا (تاژێ) ناوەندی کولتووریی میزۆپۆتامیاینە (نەچەمە) چالاکیی وانایوەش کەرد و لە چالاکییەکەنە سەرنجە وزیا سەروو گۆشەگیریی سەروو ڕابەروو گەلوو کوردی عەبدوڵا ئۆجالانی و ئاماژەشا پانەیە دا داواو ئازادیی جەستەیی ڕابەروو گەلوو کوردی عەبدوڵا ئۆجالانی مکەرمێ.