قەومێ زیندانییا ئیستەنبوڵەنە چوارچوەو کەمپەینوو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردینە" وەردەموو زیندانوو ژەناو باکریکۆینە چالاکیی "دەنگیت بوزە پاڵوو ئازادی"یشا کەرد، کۆمەڵەو پەشتگیری جە بنەیانەو زیندانییا و حکومدریایا مەڕمەڕەی و پارتوو یەکسانی و دیموکراسیی گەلا (دەم پارتی) و پارتوو هەرێمە دیموکراتیکەکا (دەبەپە)، تەڤگەروو ژەنە ئازادا (تەژەئا)، کۆمەڵەو مافشناسا پەی ئازادیی (ئۆهەدە) و چندین ڕێکوزیێ جڤاکی مەدەنی بەشدارێ بێنێ.

سەدان کەسێ بە چەپڵێ و هەلهەلێ ڕاشا پیما، تا وەردەمو زیندانوو باکریکۆی، پانکارتوو " پەی ماڕای گۆشەگیری دەنگت بوزە پاڵوو ئازادی" ورگیریا و هێلەکێ "گۆشەگیری تاوانوو دژوو ئینسانین"یشا پۆشتێ. هەرپاسە چندین جارێ درووشموو "ماف، یاسا، دادپەروەری" و "ژەنی، ژیوای، ئازادی"ی بەرزێ کریێوە.

هامسەرۆکوو دەم پارتی ئیستەنبوڵنە موراد کالماز واتش: "پەی دماییئاردەی بە پاشێلکاریی مافەکا تورکیانە و ورگێرتەی گۆشەگیری سەروو بەڕێز عەبدوڵا ئۆجالانی، وەڵێ زیندانینە چالاکیی ئەرەنیشتەی مکەرمێ ".