سوپاو تورکی ئەرەگیری جە هجوومەکاشەنە تەقەمەنی و چەکی کیمیاویی کە بەپاو ڕێککەوتەیە میان دەوڵەتییەکا قەڎەغەکریێنۍ، دژوو مەڕەکا جەنگی و گەریلاکا ئازاڎیی کوردسانی بەکارش مارۆ و تاوانەو جەنگی ئەنجامڎۆ.

جە ۋێنەکا مانگەو ئایارو ٢٠٢٤ینە، ئا وەختۍ کە سوپاو ئەرەگیروو تورکی جە مێڎانوو گەشمەرڎە دەلیل و ۋەرنیشتوو زاپی جە هەرێمەکاو پارێزنای مەدیاینە تاوانەو جەنگیش ئەنجام دان، جارێوەتەر بە بەڵگە تۆمارۍ کریێوە. بەمەڵامەتوو بەرزی ئاستوو ئەوەتەقایۆ تەقەمەنیە قەڎەغەکریاکاوە، دووکەڵ و خوڵە و تەوەنی سەڎان مەترۍ جە ژیۋگەکەنە وەڵا بۆوە و جە دوورۆ بە ئاشکرا پیویۆ. حەرچنڎە هجوومەکۍ دەوڵەتوو تورکی پەی سەروو گەریلاکاو ئازاڎیی کوردسانی بە تەقەمەنی قەڎەغەکریای و چەکی کیمیاویی چنڎین جارۍ بە بەڵگە تۆمار کریان، و جە ئەرەیاۋناکانە وەڵا کریانۆ، بەڵام ئەرەمەرزیا میان دەوڵەتییەکۍ کردەوەکا ۋەروو چەما مەگێرا.

ۋێنە و بەڵگە تۆمار کریایەکۍ تەقەمەنی قەڎەغەکریا و سوپاو ئەرەگیروو تورکی جە ساڵەکا ٢٠٢١ و ٢٠٢٢ و ٢٠٢٣ ێنە چنڎین جارۍ جە تەرەفوو ئاژانسوو هەواڵوو فوراتیوە وەڵۍ کریێنۍ.