جە ٦ و گوڵانینە سەرۆکوو حکومەتی ماوە سەرشیەو هەرێموو کوردسانی مەسرور بارزانی شەکوایێش جە دادگای فیدراڵی عێراقینە تۆمارە کەردێبۍ سەروو ئانەی کە ئاماڎەکارییەکا هۊرچنیەو پەرلەمانوو کوردسانی مردانە.

جە شەکواکێنە بارزانی ئاماژەس پانەی کەردەبۍ: "قەرارەکۍ دادگایی فیدراڵی سەبارەت بە بەشکەردەی هەرێموو کوردسانی سەروو چوار بازنا هۊرچنیەینە، کەمکەردەیۆ کورسییەکاو پەرلەمانوو کوردسانی جە ١١١کورسیاوە پەی ١٠٠ کورسیا پاشێلکەردەی مافوو پەرلەمانی هەرێموو کوردسانیا."

پۊکاتی ئارۆ دادگایی فیدراڵی جەبارەو چن تەعن و شەکوێوە کۊبیۆ، یۆ چا شەکوایایچە شەکواکۍ مەسرور بارزانی سەرۆک وەزیرانی ماوە سەرشیەو حکومەتوو هەرێمی بۍ سەبارەت بە پرسوو هۊرچنیەی، بەڵام سەربارەت پا شەکوایۍ هیچ قەرارێوەش بەرنەکەرد و دماش وست پەی ئەرەنیشتەو ٢١و گوڵانی.