دەم پارتی هومێدش واست خزر دادپەروەری و ئازادی پەی ئینسانیبییەی بارۆ
هامقسەکەراو کۆمیسیۆنو گەلی و باوڕەکاو دەم پارتی، یوکسەل مۆتلو و مەحفوز گولەریوز بە ئەرەیاوناێوی نویسیا واتش، خزر ساڵنامەی جڤاکی عەلەوییەکانە سەرەتاو قۆناغو ژیوایوەی سرووشتییا.
دەم پارتی واتش خزر ساڵنامەی جڤاکیی عەلەوییەکانە ئەوەڵوو ژیوایوەی سرووشتین، دلێشنە ڕۆچی مگیریۆ و خێرامای وەنەو مێمانا مکریۆ.
ئەرەیاونایەکە ئاماژە پانەیە مکەرۆ بە بڕواو جڤاکی عەلەوی خزر بەرەکەتو سرووشتی زیاتەر مکەرۆ و کێشەو هەژاری و بێدەرەتانی چارە مکەرۆ پا بۆنەوە ٣ ڕوێ، ڕۆچێ مگێرانێ. هەرپاسە لاو چندین گەلای تەری پێسەو جڤاکو ڕۆمایچوە، ئی جەژنێ گرنگەنەو لاو گەلاو میزۆپۆتامیای و ئەنادۆڵی و باڵکانیوە بە هومێد و جۆشوخرۆشەوە مەبارەکە مکریۆن، پا بۆنەوە ساڵەو ٢٠١٠ خدریاس وزیا دلێ لیستو میراتو چاندو ئینسانیەتو یونسکۆیوە.
ئەرەیاونایەکە ماچۆ: "بەهومێدێنمێ خزر کە هەزارا ساڵێن لاو گەلا و باوەڕە جیاکاوە جە ٥-٦و ئایارینە بەرز مرمانیۆ، بۆ بە مایێ بەرەکەت و کەیفوەشی پەی گردو گەلا.
بەهومێدێنمێ مرادو هاموەڵاتاما، کە چێرو هەلومەرجو قەیرانو گرانی و ئابووری و هەژاریوە مژیوانێ، بێ دی، گەل و باوەڕەکێ جە وەڵاتێوی ئازادنە پێەوە بژیوانێ، خزر دادپەروەری و ئاشتی و ئازادیی پەی تەمامو ئینسانیەتی بارۆنێ".
