دەوڵەتوو تورکی بامەڕنینە کەسێوە مەڎەنیش کوشت
جە ئاکاموو هجوم و دەوڵەتوو تورکینە پۍ سەروو بامەڕنی کەسێوە مەڎەنی بە نامۍ عەلی جەمیل کەلاشی گەشمەرڎەبی، کەسێوەتەریچ زامڎاربی.
فڕۆکەکۍ دەوڵەتوو تورکی ئەرەگیری ناحیەو بامەڕنێی سەر بە دهۆکیشا بۆردومان کەرڎ. جە ئاکامەنە عەلی جەمیل کەلاش کە خەڵکوو ناحیەو باتوفای بۍ گەشمەرڎەبی و کەسێوەتەریچ زامڎاربی.
دەوڵەتوو تورکی ئەرەگیری بە تەقەمەنی قەڎەغەکریای، گازی کیمیاۋیی و درۆنی بەبۊمب چنیای هەرێمەکاو پارېزناو مەدیای بۆردومان کەرۆ و زەرەری فرە بە مەڎەنیەکا میاونۆ.
ناوەنڎوو ئەرەیاۋنا و چاپەمەنی هەپەگەی جە ئەرەیاۋناو ٢ۍ کانونوو یوۋەمینە ئەرەیاۋنابېش، کە دەگایەکۍ دلۍ هەرێمەکاو پارېزنای مەدیای و مېڎانەکاو گەریلای جە ٣٠ی تشرینوو دووەمی تا ١و کانونوو یوۋەمی جە تەرەفوو سوپاو تورکیوە ٣٩ جارۍ بە فڕۆکەی جەنگی بۆردومان کریېنۍ و چا بۆردومانانە زەرەر بە رەز و باخ و یانەو مەنزڵ و هاموڵاتیا مەڎەنی یاوان.
