گەریلا تیڤی دیمەنوو ئاماڎەکاری ئۆپەراسیۆنی شۆڕشگێڵنی گەشمەرڎە لەیلا سۆرخوینێش وەڵاکەرڎۆ. کە جە لایەنوو گەریلاکاو ئازاڎیی کورڎسانیۆمەنتیقەو مەتیناینە لوواڕاوە. دیمەنەکە بە گرڎی جە ٣ بەشا پێکمۍ.

جە بەشی یوۋەمەنە، حەقی ئارمانج ئەنداموو فەرماندەیی قەرارگەو ناوەندی هەپەگەی، وەڵۍ چالاکییەکەی چنی هێزەکاو گەریلای گلېرۆبیەیێش کەرڎ و دەسنیشانش کەرڎ کە چالاکییەکە پۍ یاڎکەرڎەیۊین جە فیداییا سەرمەشق و کۊشیایما باران چراڤ، بنەوش ڤەژین و ئامەد ئاڤێستا کە جە ٢٦و تشرینوو دووەموو ٢٠٢٢  مەتینانە ئۆپراسیۆنی شۆرشگێڵنی کەش و هەکاریشا ئەنجامدابۍ.

فەرماندە حەقی ئارمانج واتش: "دوژمن چېش کەرۆ باکەرۆ، بەحیچ جۊرېوە نەجاتش مەبۆ، بێگۆمان گورزەی کوشندېشا ۋنە مڎەیمۍ. وەڵۍ ئانەینە دوژمن یاوۆ وا مشۊم ئێمە چا بیمۍ و چەمەڕاو دوژمنی کەرمۍ". حەقی ئارمانج هیواو سەرکۊتەیش پۍ گەریلای واست.

گەریلاکۍ کە وەڵۍ چالاکییەکەینە پۍ کامێرەی قسېشا کەرڎېبێنۍ، بە بۆنەو ساڵیاڎوو ئەرەمەرزناو پەکەکەیۆ واتشا "دوژمنی دلېنەبەرمۍ و گېڵمېوە" قەرارداری ۋېشا پۍ ئا چالاکییە نیشانەدا. گەریلاکاو ئازاڎیی کوردسانی ڕووەشا کەرڎە مېڎانوو چالاکییەکەی.

١٨ ئەرەگیرۍ سزادریۍ

ناوەنڎوو ئەرەیاۋنا و چاپەمەنی هەپەگەی سەروو ئەنجاموو چالاکییەکەی ئەرەیاۋنېوەش وەڵا کەرڎۆ: * ٢٦ و تشرینوو دووەمی، سەعات ١٧:٠٠ مېڎانوو مدرامانوو کەش و چارچەلی، ئۆپەراسیۆنی شۆڕشگێڵنی گەشمەرڎە لەیلا سورخوێنۍ ئەنجامدریا. هێزەکېما جە ٥ قۆڵېوە لوۍ سەروو ئەرەگیرا و پی جۆرە ئۆپەراسیۆنی شۆڕشگێڵنی گەشمەرڎە لەیلا سورخوێنۍ ئەنجامدریا. بە نارنجۆکە و چەکی تاکەکەسی هجومکریا سەروو ئەرەگیرا. هێزەکېما چا لووۍ سەروو جەنازەو ١٢ ئەرەگیرا و ئاشکراشا کەرڎ گرڎشا سزادریېنۍ. ئا هێزەی گەرەکشابۍ فریاو ئەرەگیرا گنا، کۊتۍ دامەو هێزەکاماوە و بەشێوېوە کاریگەر دریاشا ۋنە. چېیچ ٦ ئەرەگیرۍ سزادریۍ. هێزەکېما سەروو جەنازەو ئەرەگیراوە دەسشا گرت سەروو، چەکېوە نیمچە ئۆتۆماتیکی، بی کەی سی، بۆمبشانېوە، ٢ چەکۍ تاکەکەسی MPT-55، ١٢ مەغزەنۍ چەکی MPT-55 و ئامێرێوە ئێستەیۊی و ٢ دووربینۍ، چەک و تەلەفۆنێوە گەورەو مانگەی دەسکردە و ٢ تەلەفۆنۍ، دووربینی گەرمی، ٢ پاوەر بانکۍ، ٢ چەترۍ، ٢ پاڵتاوۍ، هېلەکېوە هجومی، ٥ جانتۍ، تاقمێوە جلوبەرگی سەروازی، کلیتېوە، جانتېوە تەندروستی، تەرمۆزېوە، هیتۍ دەسکێشۍ و ٢ کاردی.

سوپاو تورکی نەتاواش زەرەرەکاش بشارۊوە

حەرچنڎە سوپاو تورکی حۊڵشدا زەرەرە سەروازییەکاو ۋېش جە خەڵکی بشارۊوە و پاسە ۋېش نیشانە بڎۆ کە سەرکۊتەن، بەڵام ناوەنڎوو ئەرەیاۋنا و چاپەمەنی هەپەگەی نامۍ بڕېوە جە سەروازە سزا دریاکا تورکیش ئاشکرا کەرڎە بۍ.

سوپاو تورکی چا ڕوۆن کە ئۆپەراسیۆنەکە ئەنجامدریان تا ئیسە، مەنتیقەکاو گەریلای بۆردومان کەرۆ. گرڎ ڕووۍ بە هەواڵی ناڕاس بانگەشەو ئەنەی کەرۆ کە جە ئاکاموو بۆردومانەکانە گورزەشا جە گەریلای ئەشان. دەولەتوو تورکی کە جە تەرەفوو گەریلایۆ گۆرزێوە جەرگ بڕەشا وەرکۊتېنە، گەرەکشا بە بۆردومانکەرڎەی هەرێمەکاو پارېزنای مەدیای، ئېشەکاش کەم کەرۆوە.

بەپاو چەمڎاری سەرچەمە دلېینەکا، سەروازاو تورکی کە تەرسەو مەرڎەی کۊتېنە دلېشا، ئیتر گەرەکشا نیا هەرێمەکەنە مەناوە.