شاندەکە کە جە ئەبرو گونای یاردیدەرو هامسەرۆکاو گرڎیی پەی پەیوەندەییەکا جبەرو دەم پارتی، محەمەد ڕوشتوو یاردیدەرو هامسەرۆکا گرڎیی پەی ڕاوەبەریە دیموکراتیکییە هەرێمییەکا، جەیلان ئاکچایە پەرلەمانتارۊو ئامەدو دەم پارتی پێکمې، جە ما بەینو ٢٢ۍ پەی ٢٨و حوزیرانی جە واشنتنو پایتەختو ئەمریکای و ویلایەتەکا تەرینە زنجیرێوە گلېرۊبیەیشا دەسپنەکەرڎەن.

شاندەکە چنی واشنتۆن دی سی و ئەنداماو دەم پارتی گلېرۊبیەیشا کەرڎ؛ هەرپاسە جە درێژەو گلېرۊبیەکاشا شاندەکە سەرشا ۋنەو سەدات ئۆنەری باڵیۆزو تورکیای جە واشتنەنە دا.

شاندەکە جە گلېرۊبیێوەنە کە بە مێمانداری ئینستیوتو میدیڵ ئیست ( Middle East Institute)ی ئەنجامدریا، چنی رێکوزیا فیکری و بازنە دیبلۆماسییەکا گلېربیۆ. جە گلېرۊبیەکانە پەرەئەسایە سیاسی و کۆمەڵایەتییەکې تورکیا، ئێرانی و سووریای و پێشئامایەکې ئی دماییەو هەرێمەکەی هۊرسەنگیې.

هەرپاسە شاندەکە بە درێژە پنەدای گلېرۊبیەکاش، چنی چڼین سیناتۆرا ئەمریکای و فەرمانگەکا وەزارەتو جبەرو ئەمریکای کوې بیێنێوە و دەربارەو دیموکراتیکبیەو هەرێمەکەی و پێشئامایە ناوچەییەکا گفتوگۆشا کەردەن. جە بەردەوامی دیدار و گلېرۊبیەکاشەنە شاندەکەو دەم پارتی چنی نوێنەرو واشنتنو حکومەتو هەرێمو کوردەسانی کوۍ بیێوە و پېوەس بە مژارەکا یۊبیەی نەتەوەیی و پرۆسەو ئاشتی و گلېرگەی دیموکراتیکی پەیلوایشا فاڕانۆ.

دماتەر شاندەکە سەردای فیلادیلفیایشا جە ئەمریکانە کەردەن و چنی ڕاوەبەرو Foreign Policy Research Institute و ئەنداماو مېیانەکەی کوۍ بیێوە و دەربارەو مژارە جەهانی و هەرێمییەکا پەیلوایشا فاڕانۆ. هەرپاسە شاندەکە جە نیۆرکەنە چنی سۆسیال دیموکراتیکەکا ئەمریکای (DSA) کوې بیێوە.

هەرپاسە جە کۊو گلېرۊبیەکاشەنە شاندەکە چنی مېیانە میدیای و ئەرەیاۋناکا ئەمریکای کوې بیێنێوە پېوەس بە پەرەئەسایە سیاسییەکا تورکیای و نزیکایەتی دەم پارتی سەرو پێشئامایەکا هۊرسەنگنای کریان.