گەریلاو یەژاستاری، ئۊزگور چیا، واتش، دەوڵەتو تورکی موینۊ گەریلا مەمەڕیۊ و واتش: "حەرچی کەرۊ با کەرۊ، نمەتاوۊ گەریلای سەڕۊوە و ماڕۊش.تا مۍ قینی و تووڕەیما فرەتەرۍ با".

گەریلا ئۊزگور چیا، هەست و فیکرو وێش دەربارەو ٤٥ەمین ساڵیادو پەکەکەی پەی ئاژانسو هەواڵو فورات (ANF)ی بەر وست، باسو ئی جەنگاو دمایشە کەرد و واتش : "دەوڵەتو تورکی بە گردوو تەکنیک و جەنگی نائەخلاقییشۊ، مەتاوۊ ئێمە ماڕۊ. شکستو دەوڵەتو تورکی موینیۊ. مەیدانەکاو زاپی و مەتینای و ئاڤاشینینە هامڕێما بە جەنگێوە داستانئامێز خێرامایشا وەنەو دەوڵەتو تورکی کەرد. کرد. ئی جەنگ و ئیرادە و ڕۊح و پاگێرتەیرەیە بۊ بەداستان. چەنی ٢٧ تشرینو دووەمی، تا ڕۊحو هامڕا حەقی و کەمال و مەزڵوم و خەیری بۊ، حەرگیز دلێنە مەشمۍ و سەرە وەرڎەموو کەسینە مەکۊمنمێرە بادوژمن خاس ئینەیە بزانۊ.

"فەلسەفەی ڕابەر ئاپۊی، گەردوونیی بیەنۊ"

دژوو گۊشەگیری سەروو ڕابەرێتیما، نەک حەر کورڎساننە و وەرکەوتو دلێڕاسەینە، گردوو لایەکاو جیهانیوە کۊشیای هەن. کارڎایۊی قەوەت دژوو گۊشەگیریی نائینسانانەی هەن.  حەرچی جەدەسما بۍ پەی ماڕای گۊشەگیری کەرمێش. فیکر و فەلسەفەو ڕابەر ئاپۊی تەنیا کورڎساننە سنوورڎار نەبییەن، بەڵکوم گردو دنیێنە وەڵا بیەنۊ. مشۊم دەوڵەتو تورکی خاس ئانەیە بزانۊ؛ تەنانەت ئەگەر هجووم کەرۊ سەروو گەلوو کوردی و گەریلای، نمەتاوۊن دلێشانە بەرۊن، ئی فیکر و فەلسەفە گەردوونیی بیەنۊ. پی فیکر و فەلسەفەوە کورڎسان ئازاڎ بۊ، گەلەکەما و ڕابەرێتیما ئازاڎۍ با.  ئینە ئامانج و مەبەستوو ئێمەن. بەجۊشوخرۊش و چالاکیێوە فرەوە خێرامای وەنەو  ٢٧و تشرینوو دووەمی کەرمۍ. پا ڕۊحەوە ئاهەنگەکا کەرمۍ.  

"بە ڕۊحو ٢٧ تشرینو دووەمی ئازاڎە بۊ"

ژەنی بە فیکرو ڕابەر ئاپۊی و ڕۊحو ٢٧ تشرینو دووەمی ئازاڎە بۊ. دەوڵەتو تورکی موینۊ، کە گەریلا مەمەڕیۊ، پەوکای مشۊم ئینەیە بوینۊ. حەرچی کەرۊ با کەرۊ، با چەنی گردوو دەوڵەتەکایچ یۊی گێرۊ مەتاوۊ گەریلای سەڕۊوە و ماڕۊش. گەریلا فیکر و فەلسەفەو ڕابەر ئاپۊی پەیڕەو کەرۊ؛ بە ڕۊحو ٢٧و تشرینو دووەمی و ١٥و ئابی و گەشمەرڎە فیداکارەکاماوە مژیوۊ و گژیۊ. ئی ڕۊحە کەم مەکەرۊ، تا مۍ بەرز و گەورە بۊ. قینی و تووڕەییما فرەتەرۍ با. ئی ڕوەیە جە گردوو هامڕایاما مەبارەک کەرمۍ.پا گێرمێرە سەروو ئانەیە، ساڵەو ٢٠٢٤ کەرمۍ بە ساڵەو ئازاڎیی ڕابەر ئاپۊی و تێکدای دەوڵەتو تورکی".