گەریلاو هەپەگەی سیدار سەرحەد گەشمەرڎە بی
هەپەگە ئەرەیاۋناش، گەریلا سیدار سەرحەد (توران دەردییۆک) گەشمەرڎە بیەن و ئانەش وست ڕووە، " دژوو گرڎوو هجوومەکا پەی سەروو گەلەکەیما، بە گیانبازییوە جەنگش کەرد و ئەرکە شۆڕشگێڵنیەکێش یاونۍ مەنزڵ ".
ناوەنڎوو ئەرەیاۋنای و چاپەمەنی هەپەگەی جە بارەو ئا گەریلا گەشمەرڎەیۆ پی جۆرە ئەرەیاۋنانش:
"هامڕاما سیدار سەرحەد جە کانوونوو دووەموو ٢٠٢٤ ینە جە هەرێموو گەشمەرڎە دەلیلوو ۋەرنیشتوو زاپینە جە جەنگەنە دژ بە دوژمنی تێکەڵ بە قافڵەو گەشمەرڎا بی.
هامڕاما جەنگاوەری بەقیمەت سیدار کە لاو گەلو سەرحەدیماوە گەورەکریا، بە رەنج و گیانبازی ۋێشۆ جە کۊشیای ئازاڎیی کە بە ئیرادە و قەرارداریێوە گەورۆ بەشداریش کەرد، بی بە جەنگاوەرێوە نمونەیی ئاپۆیی. هامڕاما کە جە ئامەدۆ دەسش بە ڕاپیماو ئازاڎیی کەرد و جە ۋەرنیشتەنەنە درێژەش پنەدا، جە ۋەرا ۋەروو گرڎوو هجوومەکانە پەی سەروو گەلەکەیما بە گیانبازییوە ۋێڕاگریش کەرد، ئەرکە شۆڕشگێڵنیەکێش یاۋنۍ مەنزڵ. دماتەر هامڕاما رووەش کەردە کەشەکا کوردسانی، ئەوین و زاوڵەی و بەشداربیەی گیانبازانەیش یاوا قولەپۊپە. هامڕاما ئەرەیاۋناش، جە ڕاو رابەر ئاپۆیۆ ۋێش ئشناسان، پەی ئانەی جە ڕاسی رابەر ئاپۆینە قووڵ بۆوە و لایەق بە هامڕا گەشمەرڎەکاما بۆ، حۊڵشدا کۆشیای ۋێش سات دماو ساتی ۋەرفراوانتەر بکەرۆ.
هامڕا سیدار بە کەسایەتی سروشتی، سادە و خاکی بیەو ۋێش یاگۍ ۋێش دڵوو گرڎوو هامڕایاشەنە کەردۆ. وەعد مڎەیمۍ کە کۊشیای ئازاڎیی کە رادەسوو ئێمەش کەردەن بیاونمۍ بە سەرکەوتەی و جە کەسایەتی ئاڎینە لایەق بە گرڎوو گەشمەرڎە قارەمانەکاما بیمۍ. سەروو ئا بنەمایۍ سەرەوەشی جە بنەیانەی بەڕێزوو هامڕا سیداری، گەلی وڵاتپاڕێزنوو سەرحەدی و گرڎوو گەلە وڵاتپاڕێزنەکەیما جە کوردسانەنە مکەرمۍ.
ئشناسنامەو هامڕا سیدار سەرحەدی پی جۆرەنە:
ناسنامۍ /سیدار سەرحەد
نامۍ و دما نامۍ /توران دەردییۆک
شۊنماو جە ئەڎابیەی /ئەرزڕوم
نامۍ ئەڎۍ و نامۍ تاتەی /خاتون- حەسەن
شۊنماو وەختوو گەشمەرڎەبیەی /کانوونوو دووەم و ٢٠٢٤/ هەرێمەکاو پارێزناو مەدیای
