تەلەفزوێنوو دەوڵەتوو ئێرانی واتش ئا هەلیکۆپتەرەو سەرۆککۆماروو ئێرانی ئیبراهیم ڕەئیسیش دلێنە بییەن تووشوو ڕووداێوی ئامان. ئەرەیاونیان هەلیکۆپتەرەکە بە سەختی نیشتەنۆ. تەلەفزیۆنەکە ئەرەیاوناش کاروانەکەو ڕەئیسی  ٣ هەلیکۆپتەرێ بیێنێ و ئا هەلیکۆپتەرێ وەرپەرس و وەزیرەکاو ئەوەفاڕای بە سڵامەتیی یاوێنێ یاگێ مەبەسی.  

ڕوودایەکەی بەینوو سنووروو ئێرانی و ئازەربایجانینە ڕووەش دێنە. لاێوی تەرۆ ئاژانسوو هەواڵوو فارسی واتش، بڕێو کەسێ دماو چند خولەکێو جە ڕوودایەکەی بە تەلەفۆن قسێشا چنی مەلا تەبرێز محەمەد عەلی ئەلهاشم کەردێنە، کە یاوەروو ڕەئیسیی بییەن هەمان هەلیکۆپتەرەنە، بەڵام ئیساتێ نمەتاوا پەیوەندیی وەش بکەرا.