ناوەنڎو ئەرەیاۋنا و چاپەمەنی هەپەگەی ئەرەیاۋناش، جە ٣٠ تشرینوو دووەمی و ١ و کانوونوو یوۋەمینە، دەگاکۍ هەرێموو پارېزنای مەدیای و مېڎانەکاو گەریلای، ٣٩ جارۍ جە لایەنوو سوپاو ئەرەگیروو تورکیوە بە فڕۆکەی جەنگی بۆردوومان کریېنۍ، زەرەر بە گەلوو هەرێمەکەی یاوان.
ناوەنڎوو ئەرەیاۋنا و چاپەمەنی هێزەکاو پارېزنای گەلی (هەپەگە) زانیاری ۋەرفراوانش وەڵاکەرڎۆ سەبارەڎ بە چالاکییەکاو ٣٠ تشرینوو دووەمی و ١ و کانوونوو یوۋەمی و هجومەکاو دەوڵەتوو تورکی ئەرەگیری.
جە ئەرەیاۋناکەینە ئامان: "٣٠ ی تشرینوو دووەمی و ١ و کانوونوو یوۋەمی، دەگایەکۍ هەرێمەکاو پارېزنای مەدیای و مېڎانەکا گەریلای، ٣٩ جارۍ جە لایەنوو دەوڵەتوو تورکی ئەرەگیریوە بە فڕۆکەی جەنگی بۆردوومان کریېنۍ. چی هجومانە حیچ زەرەرېوە بە هێزەکاو گەریلایما نەیاوان، بەڵام باخ و مەنتیقەکۍ ئەرەنیشتەبیەی گەلی و هەرێمەکەما زەرەرشا لا یاوان".
زانیاری زیاتەر سەروو چالاکییەکا و هجومەکا سوپاو تورکی ئەرەگیری ، پی جۆرەنە:
هەرێموو گەشمەرڎە دەلیلوو ۋەرنیشتوو زاپی:
* ٢٩و تشرینوو دووەمی سەعات ٩:٣٠ بە چەکی نیمچە ئۆتۆماتیک هجوم کریا سەروو ئەرەگیرا جە مېڎانوو مدرامانوو کەش و جودی و گورزە جە سەنگەرێوە شنیا.
* ١و کانوونوو یوۋەمی سەعات ٩:٠٠ و ١٣:٢٠ دەیەقۍ بە چەکی قورس هجوم کریا سەروو ئەرەگیرا جە مېڎانوو مدرامانوو کەش و جودی، ئەرەگیرېوە زامڎاربی و جموجوڵوو ئەرەگیرا مردا.
* ١و کانوونوو یوۋەمی سەعات ١٦:٠٠ و ١٧:٠٠ و ١٧:٣٠، دەیەقۍ بە چەکی قورس هجوم کریا سەروو ئەرەگیرا جە مېڎانوو مدرامانوو کەش و جودی، گورزە جە سەنگەرێوە شنیا و جموجوڵوو ئەرەگیرا مردا. ئی چالاکییە جەلایەنوو هێزەکاو یەژاستاریماوە ئەنجامدریا.
* ٢٩و تشرینوو دووەمی سەعات ١٣:٣٠ دەیەقۍ بە چەکی قورس هجوم کریا سەروو ئەرەگیرا جە مېڎانوو مدرامانوو کەش و ئامێدی.
هەرێموو مەتینای:
* ٣٠ی تشرینوو دووەمی سەعات ١٠:٤٥ دەیەقۍ بە چەکی قورس هجوم کریا سەروو ئەرەگیرا جە مېڎانوو مدرامانوو کەش و ئۆرتێ.
هجومەکۍ سوپاو تورکی ئەرەگیری بە تەقەمەنی قەڎەغەکریاو، گازی کیمیاۋیی و درۆنی بە بۊمب چنیای:
* ٢٩و ٣٠ی تشرینوو دووەمی سەنگەرەکۍ جەنگی جە مېڎانوو مدرامانوو کەش و چارچەلی جە هەرێموو مەتینای ٣ جارۍ بە درۆنی بەبۊمب چنیای بۆردوومان کریۍ.
* ٣٠ی تشرینوو دووەمی و ١ و کانوونوو یوۋەمی، سەنگەرەکۍ جەنگی جە مېڎانوو مدرامانوو کەش و ئۆرتێ جە هەرێموو مەتینای ٣ جارۍ بە گازی کیماۋیی و ٢ جارۍ بە تەقەمەنی قەڎەغەکریای بۆردوومانکریۍ.
* ٣٠ی تشرینوو دووەمی و ١ و کانوونوو یوۋەمی ، سەنگەرەکۍ جەنگی جە مېڎانوو مدرامانوو کەش و ئامێدی جە هەرێموو گەشمەرڎە دەلیلوو ۋەرنیشتوو زاپی، جارێوە بە تەقەمەنی قەڎەغەکریای بۆردوومان کریا.
هجومەکۍ سوپاو تورکی ئەرەگیری:
* ٣٠ی تشرینوو دووەمی و ١ و کانوونوو یوۋەمی، مېڎانەکۍ دەشتەو کافیە، دەگاو زێڤکێ، دەگاو ڕێبینی، دەگاو دێڕەشی، کەش و زەنگەلی، دەگاو کانی گۆزێ، دەگاو گریک ڕەشی جە هەرێموو گارەی ١٣ جارۍ، دەگاو بێشیلی، دەگاو شێلازی، دەگاو دەرگەڵێ، دەگاو خانکێ، دەگاو بازێ جە هەرێموو مەتینای ١٠ جارۍ، مېڎانەکۍ ئاڤا لۆلانی، کەنداکۆلا، کەشوو گەشمەرڎە شەریفی، سینین، خنێری سەرین، گۆشین و هەرێموو خواکورکی ١٢ جارۍ، مېڎانوو مدرامانوو کەشوو ۋەهاروو هەرێموو گەشمەرڎە دەلیلوو ۋەرنیشتوو زاپی ٣ جارۍ ، مېڎانوو دەگاو بۆبریسکەو هەرێموو قەندیلی ١ جار؛ بەگرڎی ٣٩ جارۍ بە فڕۆکەی جەنگی بۆردوومان کریېنۍ.
* ٣٠ی تشرینوو دووەمی و ١ و کانوونوو یوۋەمی ، هەرێمەکۍ زاپی و گەشمەرڎە دەلیلوو ۋەرنیشتوو زاپی و خواکورکی، بە هەلیکۆپتەری هجومکەر بۆردوومان کریۍ.
* هەرێمەکۍ زاپی و گەشمەرڎە دەلیلوو ۋەرنیشتوو زاپی و مەتینای و خواکورکی، تۆپبۋاران کریۍ.
